Збігнеў (князь)

Збігнеў
Zbigniew
Князь Польшчы 1102 — 1106
Папярэднік	Уладзіслаў I
Пераемнік	Баляслаў III
Нараджэнне	1070 ці 1073 Польшча
Смерць	1112, 1107 ці 8 ліпеня 1113 Tyniec[d], Dębniki[d], Кракаў, Каралеўства Польскае
Род	Пясты
Бацька	Уладзіслаў I Герман
Маці	Przecława[d]
Дзеці	гл. у тэксце
Грамадзянства	Польшча
Медыяфайлы на Вікісховішчы

Збігнеў (польск.: Zbigniew; 1070 — 8 ліпеня 1113?) — князь Велікапольскі, Мазавецкі і Куяўскі з 1102 па 1107 гады, сын польскага князя Уладзіслава I Германа. У 1095 годзе Збігнеў з’явіўся з войскам каля Вроцлава і вымусіў свайго бацьку зрабіць яго кіраўніком Сілезіі. У нязгодзе, што ўзнікла паміж ім і ўплывовым ваяводам Сецехам, страціў свой надзел і трапіў за краты са згоды свайго бацькі. Вызваліўшыся з няволі пры падтрымцы епіскапаў і некаторых свецкіх паноў, Збігнеў аб’яднаўся з братам Баляславам; яны разам аблажылі бацьку ў Плоцку і вымусілі выгнаць Сецеха, пакінулі бацьку Мазовію, а астатнюю краіну падзялілі паміж сабой. Пасля смерці Уладзіслава з 1102 года Збігнеў, які лічыў толькі сябе законным пераемнікам свайго бацькі, пастаянна пад’юджваў супраць Баляслава знешніх ворагаў — нямецкага імператара Генрыха V і чэхаў — і часцяком разам з імі нападаў на брата. У 1106 годзе пасля няўдалай вайны супраць брата збег у Германію. Праз тры гады Генрых V з мэтай аднаўлення ўлады Збігнева ўварваўся ў Польшчу, але атрымаў паразу. У 1111 годзе Збігнеў усё ж такі вярнуўся на радзіму, але па загаду Баляслава быў кінуты за краты і там аслеплены. Праз нейкі час памёр.

Літаратура

• Tymiński, «Źycie księcia Zbigniewa» (Radom, 1830).

Спасылкі

• На Вікісховішчы ёсць медыяфайлы па тэме Збігнеў (князь)