Зводны электронны каталог бібліятэк Беларусі
| Зводны электронны каталог бібліятэк Беларусі | |
|---|---|
 | |
 | |
| URL | unicat.nlb.by (бел.) |
| Тып сайта | электронны бібліятэчны каталог |
| Мова(-ы) | беларуская[1] і руская |
| Уладальнік | Нацыянальная бібліятэка Беларусі[1] |
| Пачатак працы | 2015[1] |
Зборны электронны каталог бібліятэк Беларусі (ЗЭК) — нацыянальны інфармацыйны рэсурс Беларусі, асноўны масіў якога фарміруецца найбуйнейшымі рэспубліканскімі бібліятэкамі: Нацыянальнай бібліятэкай Беларусі, Цэнтральнай навуковай бібліятэкай імя Я.Коласа НАН Беларусі, Рэспубліканскай навукова-тэхнічнай бібліятэкай, Прэзідэнцкай бібліятэкай Рэспублікі Беларусь[2].
У ЗЭК прадстаўлены бібліяграфічныя запісы на кнігі (уключаючы рэдкія і старадрукаваныя), дысертацыі, аўтарэфераты дысертацый, выяўленчыя дакументы, картаграфічныя матэрыялы, нотныя дакументы, дакументы па стандартызацыі, аўдыё- і відэадакументы, перыядычныя выданні[2].
Усе карыстальнікі незалежна ад іх месцазнаходжання атрымліваюць свабодны доступ у рэжыме рэальнага часу да бібліяграфічнай інфармацыі пра фонды бібліятэк. У інфармацыі пра знойдзены дакумент утрымліваюцца звесткі пра месца і шыфрах яго захоўвання, а таксама пра магчымасць дыстанцыйнага заказу дакументаў з фондаў. Сэрвіс заказу даступны толькі для карыстальнікаў той бібліятэкі, зарэгістраванымі чытачамі якой яны з’яўляюцца і ў якой знаходзіцца патрэбны дакумент[2].
Для інфармавання пра склад фондаў бібліятэк рэгіёнаў рэспублікі функцыянуюць рэгіянальныя зборныя электронныя каталогі[2].
Пошукавая сістэма распрацавана Аб'яднаным інстытутам праблем інфарматыкі НАН Беларусі[2].
Крыніцы
[правіць | правіць зыходнік]- ↑ а б в http://unicat.nlb.by/index.html.be
- ↑ а б в г д Online каталог: Зводны электронны каталог бiблiятэк Беларусi. unicat.nlb.by. Праверана 1 лютага 2025.
Спасылкі
[правіць | правіць зыходнік]- Базавы пошук. Зводны электронны каталог бібліятэк Беларусі (10 сакавіка 2020). Праверана 19 сакавіка 2020.