Звязда (Пухавіцкі раён)

Вёска Звязда Краіна Беларусь Вобласць Мінская Раён Пухавіцкі Сельсавет Блонскі Каардынаты 53°33′21″ пн. ш. 28°07′46″ у. д. Ранейшыя назвы Шчамысліца, Шарыя Мыслі, Чырвоная Звязда Часавы пояс UTC+3 Тэлефонны код +375 1713 Аўтамабільны код 5 СААТА 6244808021 Звязда на карце Беларусі ±

Звязда́ (трансліт.: Zviazda, руск.: Звезда; раней Чырво́ная Звязда́) — вёска ў Пухавіцкім раёне Мінскай вобласці. Уваходзіць у склад Блонскага сельсавета. Месціцца за 3 км на поўнач ад Мар’інай Горкі, 46 км ад Мінска, 6 км ад чыгуначнай станцыі Пухавічы.

Гісторыя

Створана па канчатковым усталяванні ўлады бальшавікоў у Беларускай ССР як сельскагаспадарчая камуна Чырвоная Звязда на месцы колішняга фальварка Шчамысліца (польск.: Szare Myśli). Мела 200 гектараў ворыва, дзейнічалі клуб, сталовая. У 1922 годзе працавала школа 1-й ступені. Пасля камуна пераўтворана ў калгас, з 1935 года вёска.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

Славутасці

Ад колішняга фальварка часткова захаваліся старыя алеі, магчыма, рэшткі саду.

Насельніцтва

• 1926 — 68 жыхароў
• 1960 — 203 жыхары
• 2002 — 22 двары, 34 жыхары

Літаратура

• Звязда // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 145. — 528 с. — 2 000 экз. — ISBN 978-985-11-0735-9.
• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх