Золтан Тылдзі

З пляцоўкі Вікіпедыя
Перайсці да навігацыі Перайсці да пошуку
Золтан Тылдзі
венг.: Tildy Zoltán
Tildy Zoltán-MTI 1946.jpg

дэпутат Нацыянальнага сходу Венгрыі[d]
1936 — 1939
1-ы прэзідэнт Венгрыі[d]
1 лютага 1946 — 3 жніўня 1948
Папярэднік High National Council[d]
Пераемнік Antal Szakasits[d]
прэм’ер-міністр Венгрыі[d]
15 лістапада 1945 — 1 лютага 1946
Папярэднік Béla Miklós[d]
Пераемнік Ferenc Nagy[d]
minister of state[d]
27 кастрычніка 1956 — 12 лістапада 1956
дэпутат Нацыянальнага сходу Венгрыі[d]
1939 — 1944
дэпутат Нацыянальнага сходу Венгрыі[d]
4 лістапада 1945 — 5 лютага 1946

Нараджэнне 18 лістапада 1889(1889-11-18)[1][2]
Смерць 3 жніўня 1961(1961-08-03)[2] (71 год)
Месца пахавання
Жонка Элізабэт Гіеніс-Грунфельд[d]
Дзеці Золтан Тылдзі[d]
Веравызнанне кальвінізм
Партыя
Адукацыя
Дзейнасць палітык, reformed pastor
Commons-logo.svg Золтан Тылдзі на Вікісховішчы

Золтан Тылдзі (венг.: Tildy Zoltán, 18 лістапада 1889, Лучанец (зараз Славакія) — 3 жніўня 1961, Будапешт) — уплывовы венгерскі палітык, што займаў пасаду прэм'ер-міністра ў 1945—1946 гг. і прэзідэнта у 1946—1948 г. у паваенны перыяд, аж да пераходу ўлады да ВПП.

Біяграфія[правіць | правіць зыходнік]

Нарадзіўся ў Лучанцы ў сям'і венгерскага ўрадоўца. Атрымаў ступень па тэалогіі ў Рэфармацкай тэалагічнай акадэміі ў Папе, потым правёў год, навучаючыся ў Белфасцкім акадэмічным коледжы ў Ірландыі. Служыў святаром Рэфармацкай царквы з 1921 г., рэдагаваў штодзённую газету Венгерскай Рэфармацкай царквы «Хрысціянская сям'я» (Keresztény Család) і шэраг іншых перыядычных выданняў.

У 1929 г. уступіў у Незалежную партыю дробных гаспадароў (НПДГ), неўзабаве пасля чаго стаў віцэ-прэзідэнтам партыі. Ён быў абраны ў венгерскі парламент, пераабіраўся ў 1936 і 1939 гг.

У парламенце лабіяваў выхад Венгрыі з 2-й сусветнай вайны. Пасля таго, як у 1944 г. Венгрыя была акупавана гітлераўцамі, Тылдзі быў змушаны хавацца. Пасля вызвалення Венгрыі савецкімі войскамі Тылдзі ўзначаліў Незалежную партыю дробных уласнікаў. У перыяд з 15 лістапада 1945 г. па 1 лютага 1946 г. ён быў прэм'ер-міністрам Венгрыі, пасля чаго ён быў абраны прэзідэнтам Венгрыі. Таксама па пасадзе ён уваходзіў у склад Вышэйшага нацыянальнага савета з 7 снежня 1945 г. па 2 лютага 1946 г.

Тылдзі займаў пасаду першага Прэзідэнта Венгерскай рэспублікі да 31 ліпеня 1948 г., калі яго вымусілі пайсці ў адстаўку неўзабаве пасля таго, як яго зяць быў арыштаваны за карупцыю і шлюбную няслушнасць. Тылдзі знаходзіўся пад хатнім арыштам у Будапешце да 1 мая 1956 г.

У кааліцыйным урадзе, сфармаваным у дні Венгерскага паўстання 1956 г., Тылдзі быў прызначаны на пасаду дзяржаўнага міністра. Пасля падаўлення паўстання ён быў арыштаваны савецкімі войскамі. 15 чэрвеня 1958 г. Вярхоўны суд прысудзіў яго да 6 гадоў турэмнага зняволення, аднак ужо ў красавіку 1959 г. ён быў вызвалены па індывідуальнай амністыі з прычыны старэчага веку і хваробы. Пасля гэтага ён практычна не браў удзел у грамадскім жыцці.

Зноскі

  1. Zoltan Tildy // Encyclopædia Britannica Праверана 9 кастрычніка 2017.
  2. 2,0 2,1 Zoltán Tildy // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.

Спасылкі[правіць | правіць зыходнік]