Зямля Вікторыі

На гэтай карце Антарктыды зямля Вікторыі размешчана справа ад мора Роса.

Зямля Вікторыі (англ.: Victoria Land) — раён Антарктыды, абмежаваны з усходу морам Роса і шэльфавым ледніком Роса, з захаду — зямлёй Уілкса. Размяшчаецца паміж 142° і 170° у. д. і працягваецца на поўдзень да 78° пд. ш. Заходняя частка ўяўляе сабою горнае плато з вышынямі да 4025 м (гара Лістэр). Магутнасць лёду ў цэнтральнай частцы зямлі Вікторыі перавышае 2000—2500 м.

Зямля Вікторыі была адкрыта ў студзені 1841 года экспедыцыяй Джэймса Кларка Роса і названа ў гонар каралевы Вікторыі. У 1911—14 гг. рэгіён быў даследаваны экспедыцыяй Дугласа Моўсана.

Да рэгіёна адносяць хрыбты Трансантарктычных гор і сухія даліны Мак-Мёрда. Частка зямлі Вікторыі адносіцца да тэрыторыі Роса.

На ўзбярэжжы Зямлі Вікторыі на працягу 20 гадоў (1971—1991) працавала савецкая станцыя Ленінградская, якая была раскансервавана ў сезон 2007—2008 гг.

Гл. таксама

• Адміралцейскія горы
• Бераг Георга V

Спасылкі

• VIVOS VOCO: М. А. Преображенская, Л. М. Саватюгин, «…Женские имена на карте Антарктики» Архівавана 7 студзеня 2011.