Кабылянка (рака)

Кабылянка
Характарыстыка
Даўжыня	13 км
Басейн	54 км²
Вадацёк
Выток
• Месцазнаходжанне	каля вёскі Акцябрская
• Каардынаты	54°30′13″ пн. ш. 27°28′27″ у. д.
Вусце	Вілія
• Месцазнаходжанне	за 1 км на паўднёвы захад ад аграгарадка Сцешыцы
• Каардынаты	54°33′40″ пн. ш. 27°23′01,50″ у. д.
Ухіл ракі	2,6 м/км
Размяшчэнне
Водная сістэма	Вілія → Нёман → Балтыйскае мора
Краіна	Беларусь
Рэгіён	Мінская вобласць
Раён	Вілейскі раён
выток вусце
выток вусце
Медыяфайлы на Вікісховішчы

Кабыля́нка — рака ў Вілейскім раёне Мінскай вобласці Беларусі, левы прыток ракі Вілія (басейн Нёмана).

Назва

Назва ўяўляе сабой пазнейшую кальку-пераклад з адпачатнай балцкай рачной назвы. Пра гэта гаворыць наяўнасць тапоніма Кумельшчына недалёка ад вусця Кабылянкі. Назва Кумельшчына звязаная з літ. kumelė "кабыла", лат. kumeļš "конік; жарабя".

Адпачатная балцкая назва Кабылянкі павінна была быць роднасная літоўскім рачным назвам тыпу Kumel-upis (налічваецца сама менш дзевяць).

Сітуацыі такога назоўнага білінгвізму не рэдкасць — напрыклад, недалёка ад "кабылляга" возера Асвея (літ. ašva "кабыла") знаходзіцца возера Кабыльніца.

Гідраграфія

Даўжыня ракі 13 км. Плошча вадазбору 54 км². Сярэдні нахіл воднай паверхні 2,6 м/км.

Пачынаецца каля вёскі Акцябрская, упадае ў Вілію за 1 км на паўднёвы захад ад аграгарадка Сцешыцы.

На ўсім працягу каналізаваная. Вадазбор на заходніх схілах Мінскага ўзвышша. Прыток — ручай Юнцаўшчына.

Каля ракі вёскі Забалацце, Ракшыцы.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — С. 425. — 522 с. — 10 000 экз.
• Ліст карты N-35-55. Выданне 1987 года. Стан мясцовасці на 1984 год. (руск.)

Спасылкі

• Общая характеристика речной сети Минской области // Справочник «Водные объекты Республики Беларусь» (руск.)