Кавалі (Слабадскі сельсавет)

Вёска Кавалі Краіна Беларусь Вобласць Мінская Раён Мядзельскі Сельсавет Слабадскі Каардынаты 54°57′07″ пн. ш. 27°09′05″ у. д. Колькасць двароў 16 Насельніцтва 29 чалавек (1997) Часавы пояс UTC+3 Тэлефонны код +375 1797 Паштовыя індэксы 222392 Аўтамабільны код 5 СААТА 6240845036 Кавалі на карце Беларусі ±

Кавалі на Вікісховішчы

Кавалі́ (трансліт.: Kavali, руск.: Ковали) — вёска ў Мядзельскім раёне Мінскай вобласці. Уваходзіць у склад Слабадскога сельсавета.

Гісторыя

Сядзіба Гурыновічаў. XIX ст.

У 1847 г. вёска маёнтка Янушова Вілейскага павета Віленскай губерні, валоданне В. Корсака, 4 двары, 32 жыхара. З 1894 ў вёсцы працавала школа граматы. У 1904 г. на месцы сучаснай вёскі: вёска, фальварак і засценак Жоснянской воласці Вілейскага павета Віленскай губерні. У вёсцы былі 93 жыхары, у засценку, валоданні Гуровіча і Андрона, — 9 жыхароў; у сядзібе, валоданні Гурыновіча, — 4 жыхары. У 1921 г. фальварак і вёска ў складзе гміны Жосна Дунілавіцкага (з 1925 г. Пастаўскага) павета Віленскага ваяводства. У сядзібе 5 двароў, 36 жыхароў; ў вёсцы 15 двароў, 86 жыхароў.

У 1927 г. у вёсцы арганізавана ячэйка КПЗБ. З 12.10.1940 г. у Слабадскім сельсавеце Мядзельскага раёна Вілейскай, з 20.09.1944 г. Маладзечанскай, з 20.01.1960 г. Мінскай абласцей. У 1940 г. вёска, 30 двароў, 128 жыхароў. У 1949 г. сяляне арганізавалі калгас імя Аляксандра Неўскага. З 1954 вёска ў складзе калгаса «17 верасня» (цэнтр — вёска Слабада).

Насельніцтва

• 79 жыхароў (1960)
• 16 двароў, 29 жыхароў (1997)

Інфраструктура

У вёсцы размешчана жывёлагадоўчая ферма.

Вядомыя ўраджэнцы

• Адам Гурыновіч (1869 — 1894), беларускі паэт-дэмакрат, фалькларыст, перакладчык, рэвалюцыянер

Літаратура

• Kowale, wieś, powiat wilejski // Słownik geograficzny Królestwa Polskiego i innych krajów słowiańskich. Tom IV: Kęs — Kutno (польск.). — Warszawa, 1883. — S. 505.

Спасылкі

• На Вікісховішчы ёсць медыяфайлы па тэме Кавалі (Слабадскі сельсавет)