Казанне пра Барыса і Глеба

Казанне пра Барыса і Глеба
Мініяцюра з Сільвестраўскага збору XIV стагоддзя
Аўтар	Jacob Chornoryzets[d]
Мова арыгінала	старажытнаруская мова
Дата напісання	XI стагоддзе і 1115
Персанажы	Барыс і Глеб
Медыяфайлы на Вікісховішчы

«Казанне пра Барыса і Глеба» — агіяграфічны твор, складзены, імаверна, у другой палове XI ст. Вядомы як першы літаратурны твор, прысвечаны тэме забойстваў князёў Барыса і Глеба. Не адпавядае класічным узорам агіяграфічнага жанру, аб'ядноўвае ў сабе элементы жыція-марцірыя, рысы псіхалагізму і выразнай лірычнасці. У казанні Барыс і Глеб паказаны як ціхамірцы, што ахвярна загінулі дзеля выканання Божай волі. Матывы хрысціянскай пакоры і абвінавачання Святаполка Акаяннага значна ўзмацніліся пры кананізацыі братоў каля 1072 г.

Сярод даследчыкаў не існуе адзінства адносна таго, ці заснавана шырокавядомае «Чытанне пра Барыса і Глеба» (за меркаваным аўтарствам Нестара) на Казанні, ці было Чытанне створана незалежна, паралельна або нават раней. Аднак менавіта Казанне стала ідэйнай і мастацкай асновай Барысаглебскага цыклу, што ўключае сукупнасць усіх жыційных і панегірычных твораў, прысвечаных асобам страстацерпцаў Барыса і Глеба.

Літаратура

• Гісторыя беларускай літаратуры XI—XIX стагоддзяў / Рэд.: В. А. Чамярыцкі. — 2-е выданне. — Мн.: Беларуская навука, 2007. — Т. 1. — С. 50—51.