Казімір Бахматовіч
| Казімір Бахматовіч | |
|---|---|
| Дата нараджэння | 1808 |
| Месца нараджэння | |
| Дата смерці | 28 жніўня (9 верасня) 1837[1] |
| Месца смерці | |
| Грамадзянства | |
| Род дзейнасці | мастак |
| Жанр | жывапіс і графіка |
| Вучоба | |
| Уплыў | Ян Рустэм |
 Медыяфайлы на Вікісховішчы | |
Казімір Бахматовіч (1808 — 28 жніўня (9 верасня) 1837) — беларускі і літоўскі графік і жывапісец. Прыгонны графа А. Гюнтэра, нарадзіўся, жыў і памёр у яго маёнтку Дабраўляны, цяпер Лылойцінскага сельсавета Смаргонскі раёна Гродзенскай вобласці). Быў дамашнім настаўнікам малявання ў маёнтку[2], мастацкую адукацыю атрымаў у Віленскай школе жывапісу (1823—1827) у Яна Рустэма[3].
Казімір пражыў у родных месцах усё жыццё і памёр ва ўзросце няпоўных 30 гадоў, малюючы навакольную прыроду і тыпы землякоў. Яго карціны адрозніваюцца ў вышэйшай ступені дакладнасцю, што робіць іх каштоўным выяўленчым матэрыялам для даследчыкаў гісторыі і этнаграфіі Беларусі[4].
Творчасць[правіць | правіць зыходнік]
Вядомыя рэалістычныя бытавыя замалёўкі, якія маюць этнаграфічную каштоўнасць, пейзажы, гравюры, створаныя ў Вільні і Дабраўлянах, карціны («Кіргіз на кані», «Жабрак»). Галоўнай справай яго жыцця сталі альбомныя літаграфічныя серыі: «Успамін пра Дабраўляны», «Арласіяда», «Вільня», «Нязначныя ўражанні Я. Рустэма», «Адзенне і сцэны. Літоўскія строі»[3][4].
Мастак вылучаўся дакладнасцю і трапнасцю характарыстык сваіх персанажаў. Акрамя цікавасці да гарнітура і тыпажу, у яго малюнках мы знойдзем пільную ўвагу мастака да чалавека, яго слабасцей і прыхільнасцей. Мастак умее з дапамогай дробнай дэталі стварыць ёмісты, пераканаўчы характар. Сялянкі размаўляць каля плота, шумна гутараць гандляры, закруцілася ў працы пралля, спяшаецца да сядзібы шляхціц, важна размясціўся ў сваім атэлье мастак, галерэя дробных сцэн з жыцця яўрэйскіх мястэчак — побытавы жывапіс з усім яго смакаваннем і абыгрываннем дэталяў[5].
Заслуга К. Бахматовіча ў тым, што ён упершыню ў беларускім мастацтве ўзняў значэнне малой формы ў літаграфіі да ўзроўню карціны[4].
У 1831 годзе яго найбольш цікавыя малюнкі былі змешчаны ў альбоме «Збор нацыянальных і ваенных касцюмаў, намаляваў Казімір Бахматовіч, вучань Віленскай акадэміі на Літве»[2].
Галерэя[правіць | правіць зыходнік]
-
Арласіяда -
Палац у Дабраўлянах. Літаграфія
Зноскі
- ↑ а б Запіс № 38 у метрычнай кнізе свірскага касцёла. // https://www.familysearch.org/ark:/61903/3:1:3Q9M-C95N-KD6N?i=438&cat=2356500
- ↑ а б БАХМАТОВІЧ Казімір
- ↑ а б БС. Т. 5 1982, с. 46.
- ↑ а б в «Арласіяда» Казіміра Бахматовіча
- ↑ Людмила Вакар. Творчество Марка Шагала в ретроспективе художественной традиции Беларуси ХVIIІ-ХІХ веков Архівавана 19 жніўня 2014. (руск.)
Літаратура[правіць | правіць зыходнік]
- Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1982. — Т. 5. Биографический справочник. — 737 с. — 50 000 экз.