Казімір Уладзіслаў Сапега

Казімір Уладзіслаў Сапега польск.: Kazimierz Władysław Sapieha
Дзейнасць:	ваенны
Нараджэнне:	1650 Кодзень, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Смерць:	29 красавіка 1703(1703-04-29)
Дынастыя:	Сапегі
Бацька:	Ян Фрыдэрык Сапега
Маці:	Канстанцыя з Гербутаў[d]
Жонка:	Францішка з Копцяў[d]
Дзеці:	Ян Фрыдэрык Сапега і Цэцылія Соф'я з Сапегаў[d]

Казімір Уладзіслаў Сапега (1650 — 29 красавіка 1703) — вялікалітоўскі дзяржаўны дзеяч.

Біяграфія

З роду Сапегаў, сын Яна Фрыдэрыка. Вучыўся ў езуіцкіх навучальных установах у Львове і Брунсбергу. Працягваў вучобу на Захадзе, пабываў у Італіі, Францыі, Галандыі і Германіі. Па вяртанні прыняў удзел у бітве пад Хоцінам. Удзельнічаў у войнах з туркамі ў 1673, 1676, 1683 гадах. Пасол на сеймы. Падстолі вялікі літоўскі ў 1685—1686, стольнік вялікі літоўскі ў 1686, падскарбі надворны літоўскі ў 1686—1689, кашталян троцкі ў 1689—1697 і ваявода троцкі з 1697 года.

Падчас выбараў караля Рэчы Паспалітай падтрымаў Аўгуста II Моцнага.

Бацька Яна Фрыдэрыка.

Літаратура

• Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Беларус. Энцыкл.; Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2001. — 591 с.: іл. ISBN 985-11-0214-8. С. 222—228.