Каляровы аловак
Каляровы аловак – гэта інструмент для малявання, які ўяўляе сабой вузкае пігментаванае ядро, заключанае ў цыліндрычную драўляную абалонку. У адрозненні ад графіту, або вугальнага алоўка, ядро каляровага алоўка мае масляністую ці васкавую аснову і змячшае іншую прапорцыю пігментаў, дабавак і сувязных элементаў. Водарастваральныя (акварэльныя) алоўкі і пастэльныя алоўкі таксама вырабляюцца як каляровыя стрыжні для механічных алоўкаў.
Віды каляровых алоўкаў[правіць | правіць зыходнік]
Каляровыя алоўкі могуць адрознівацца якасцю і зручнасцю выкарыстання. Канцэнтрацыя пігмента ў ядры, святлоўстойлівасць пігментаў, даўгавечнасць і мяккасць стрыжня – гэта адныя з ключавых паказчыкаў якасці брэнда і яго рыначнай цаны. Не існуе асаблівай розніцы ў якасці паміж алоўкамі на алейнай/васкавой аснове і водарастваральнымі каляровымі алоўкамі. Нягледзячы на гэта, некаторыя вырабляльнікі ацэньваюць водарастваральныя алоўкі як менш святлоўстойлівыя, чым створаныя на алейнай/васкавой аснове. Рост папулярнасці каляровых алоўкаў як інструмента малявання паслужыў асновай стварэння “Colored Pencil Society of America”[CPSA][1]. Гэта асацыяцыя была заснавана ў 1990 годзе як некамерцыйная арганізацыя, прысвечаная мастакам старэйшым за 18 гадоў, якія карыстаюцца каляровымі алоўкамі. CPSA не толькі прасоўвае каляровыя алоўкі як інструмент мастацтва, але і імкнецца ўстанавіць стандарты для вырабнікоў каляровых алоўкаў. Іншыя краіны, як Вялікабрытанія, ЗША, Канада, Аўстралія і Мексіка[2][3][4] сфарміравалі свае арганізацыі і таварыства для мастакоў, якія карыстаюцца каляровымі алоўкамі. Звычайна каляровыя алоўкі захоўваюцца ў пеналах, каб папярэдзіць механічныя пашкоджанні.
Гісторыя[правіць | правіць зыходнік]
Гісторыя каляровых алоўкаў не да канца вывучана. Выкарыстанне алоўкаў на васкавой аснове задакументавана і бярэ пачатак ў Грэцкім Залатым Стагоддзі і далей згадваецца рымскім навукоўцам Плінціем старэйшым[5]. Матэрыялы для малявання на васкавой аснове выкарыстоўваюцца мастакамі на працягу стагоддзяў, дзякуючы іх ўстойлівасці да выгарання, а таксама жвавасці і яркасці колераў. Нягледзячы на тое, што каляровыя алоўкі выкарыстоўваліся для “праверкі і маркіроўкі” на працягу многіх дзесяцігоддзяў, толькі ў пачатку 20-га стагоддзя іх пачалі вырабляць ў падыходнай якасці для мастакоў. Вытворцы, якія першымі пачалі выраб каляровых алоўкаў для мастакоў, уключаюць Faber-Castell у 1908 годзе і d’Ache у 1924 годзе, і далей Berol Prismacolor у 1938[6]. Іншымі вядомымі вытворцамі з’яўляюцца: Blick Studio, Bruynzeel-Sakura, Creatcolor, Derwent, Holbein, Koh-i-Noor Hardtmuth, Lyra, Mitsubishi (uni-ball), Schwan-Stabilo і Staedtler. У сувязі з паяўленнем кніг-размалёвак[7] і штодзённікаў-размалёвак для дарослых[8] у 2016 годзе, продажы каляровых алоўкаў у ЗША выраслі ўтрое. Апошнія гады каляровыя алоўкі актыўна выкарыстоўваюцца ў арт-тэрапіі і рэабілітацыі[9].
Зноскі
- ↑ About CPSA(недаступная спасылка). Colored Pencil Society of America. Архівавана з першакрыніцы 28 жніўня 2013. Праверана 12 September 2013.
- ↑ UK Coloured Pencil Society. UKCPS, Artist 2013. Праверана 13 September 2013.
- ↑ Coloured Pencil Society of Canada. Coloured Pencil Society of Canada. Праверана 13 September 2013.
- ↑ Lindhardt, Belinda. Australian Coloured Pencils Network. Australian Coloured Pencils Network. Праверана 13 September 2013.
- ↑ Girdler, Jr., Reynolds (1967). Crayons in the History of the Arts. National Art Education Association. pp. 31.
- ↑ Ellis, Margaret. Categories of Wax-Based Drawing Media. waac newsletter. Праверана 13 September 2013.
- ↑ Johanna Basford Coloring Books.
- ↑ Paper diary with coloring pages.
- ↑ Why adult coloring books are good for you - CNN.
Літаратура[правіць | правіць зыходнік]
- Аловак, пісьмовая прыналежнасць // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
Спасылкі[правіць | правіць зыходнік]
- «The Pencil Pages» (англ.) - Сайт аб алоўках.
- «Звычайны аловак» (руск.) - Сайт калекцыянера алоўкаў.
- Brand Name Pencils. Сайт Bob'а Truby