Цвярская вобласць

Цвярская вобласць
руск.: Тверская область
Герб Сцяг
Краіна	Расія
Уваходзіць у	Цэнтральная федэральная акруга Цэнтральная эканамічная акруга
Уключае	36 раёнаў
Адміністрацыйны цэнтр	Цвер
Дата ўтварэння	29 студзеня 1935
Губернатар	Дзмітрый Зяленін
Насельніцтва (2010)	1 360 377
Шчыльнасць	16,2 чал./км²
Плошча	84 100 км² (39-е месца)
Часавы пояс	GMT +3
Код ISO 3166-2	RU-TVE
Код аўтам. нумароў	69
Афіцыйны сайт
Медыяфайлы на Вікісховішчы

Цвярская вобласць — суб’ект Расійскай Федэрацыі, які размешчаны на паўночным захадзе краіны. Адміністрацыйны цэнтр — Цвер. Утворана 29 студзеня 1935 года.

Падзяляецца на 36 раёнаў. Буйнейшыя гарады: Цвер, Ржэў, Вышні Валачок, Кімры, Таржок.

Геаграфія

Месцазнаходжанне

Размяшчаецца на захадзе Еўрапейскай частцы Расіі Працягласці вобласці з поўначы на поўдзень 260 км, з захаду на ўсход — 450 км. Мяжуе з Маскоўскай, Яраслаўскай, Валагодскай, Наўгародскай, Смаленскай і Пскоўскай абласцямі.

Клімат

Клімат умерана кантынентальны. Сярэдняя тэмпература ліпеня +17 — +18 °C, студзеня −9 — −7 °C. Сярэдняя колькасць ападкаў — 650 мм.

Рэльеф

Знаходзіцца на захадзе сярэдняй частцы Усходне-Еўрапейскай раўніны. На паўночным усходзе пралягае Авінішчанскае ўзвышша.

Водныя аб’екты

Вобласць налічвае больш за 800 рэчак, агульнай даўжынёй каля 17 тысяч кіламетраў. Асноўная рака — Волга. Іншыя значныя рэкі: Заходняя Дзвіна (262 км), Цверца (188 км), Мядзведзіца (269 км), Малога (280 км) і Мяжа (259 км). Па тэрыторыі вобласці праходзіць водападзел Каспійскага і Балтыйскага мораў.

Насельніцтва

Колькасць насельніцтва — 1406,6 тыс. чал. (2006 год), з якіх у гарадах пражываюць 73,5 %. Нацыянальны склад: рускія — 96,8, украінцы — 1,6 %, карэлы — 1,0 %, беларусы 0,6 %. Паводле звестак за 2002 у Цвярской вобласці жыло 8 581 беларусаў (0,6 %, 5-е месца)

Адміністрацыйна-тэрытарыяльны падзел

У склад вобласці ўваходзяць 12 гарадоў абласнога падпарадкавання і 36 муніцыпальных раёнаў. Уваходзіць у Цэнтральную федэральную акругу.

Вядомыя асобы

• Фёдар Спірыдонавіч Кузняцоў
• Аляксей Андрэевіч Баскакаў
• Міхаіл Аляксандравіч Бакунін
• Іван Васільевіч Скопін (1928—2009) — Герой Сацыялістычнай Працы (1971).
• Міхаіл Паўлавіч Судакоў, Герой Савецкага Саюза.
• Аляксей Арсенавіч Томскі, Герой Савецкага Саюза.
• Павел Аляксеевіч Ротмістраў, галоўны маршал бранятанкавых войск (1962), Герой Савецкага Саюза (1965).
• Вячаслаў Сяргеевіч Танаеў (1940—2002) — вучоны ў галіне матэматычнай кібернетыкі. Акадэмік Нацыянальнай акадэміі навук Беларусі (2000; чл.-кар. з 1994), доктар фізіка-матэматычных навук (1978), прафесар (1980). Заслужаны дзеяч навукі Рэспублікі Беларусь (1995).

Гл. таксама

• Бежацкі верх
• Авінішчанскае ўзвышша
• Ржэўскі мемарыял Савецкаму салдату

Спасылкі

• Афіцыйны сайт Архівавана 16 мая 2011.