Каліёпі

З пляцоўкі Вікіпедыя
Jump to navigation Jump to search
Каліёпі
Калиопи Букле
ESC2016 - Macedonia Meet & Greet 02.jpg
Асноўная інфармацыя
Поўнае імя Калиопи Буклеска
Дата нараджэння 28 снежня 1966(1966-12-28)[1] (52 гады)
Месца нараджэння
Краіна Flag of Yugoslavia (1946-1992).svg Югаславія, Flag of North Macedonia.svg Паўночная Македонія
Музычная дзейнасць
Прафесіі
Гады актыўнасці 1976 — н. ч.
Інструменты голас[d]
Жанры поп-музыка, блюз, джаз
Псеўданімы Калиопи
Лэйблы Kaliopi Music Production
kaliopi.com.mk
Commons-logo.svg Выявы на Вікісховішчы

Каліёпі (арум. Kaliopi Bukle, макед.: Калиопи Букле) — вядомая македонская спявачка, вакальны перакладчык, кампазітар і аўтар песень. У сябе на Радзіме яе часта завуць «Поп-Дзіва» ці «Каралёва македонскай поп-музыкі». Гэта даволі вядомая спявачка адной з рэспублік былой Югаславіі, хіты якой знаходзіліся ў верхніх радках хіт-парада ў васьмідзясятых. У Македоніі да Каліёпі ставяцца, як да выбітнай спявачкі сусветнага узроўня, якая, нягледзячы на выбітныя вакальныя здольнасці ў рамках поп-музыкі, у свабодны час піша музыку для кіно, тэатра і балета.

Прадстаўніца Македоніі на Еўрабачанні ў 2012 і 2016 гадах.

Біяграфія[правіць | правіць зыходнік]

Нарадзілася 28 снежня 1966 года ў сям'і македонкі і арумына[2]. Пачала спяваць з 10 гадоў, прыняўшы ў 1976 годзе ўдзел на фэсце «Золата Славејче», выканаўшы сваю першую песню «Мојата учителка». Праз два гады юная спявачка ўжо выступала з гастролямі ў Чэхаславакіі, Аўстрыі і Югаславіі. Дэбютны сінгл — «Томи» — Каліёпі выпусціла ў 1984 годзе.

Надалей спявачка, беручы ўдзел у музычных фэстах і выступаючы з гастролямі ў шэрагу краін Еўропы (улучаючы СССР), рабілася ўсё папулярнейшай у Югаславіі. З 1986 па 1989 гг. Каліёпі выступала разам са сваім уласным поп-рок гуртам «Kaliopi», а неўзабаве пераехала ў Швейцарыю са сваім мужам Рамеа Грыл, які быў салістам у яе гурце. Пасля пераезду ў іншую краіну Каліёпі ненадоўга скончыла музычную кар'еру, вярнуўшыся ў шоу-бізнес толькі ў 1996 годзе. У 2000 годзе заснавала свой уласны лэйбл гуказапісу — «Kaliopi Music Production».

Цяпер Каліёпі — адна з найпапулярнейшых македонскіх спявачак. Да цяперашняга моманту на яе рахунку 11 альбомаў, 49 сінглаў, а таксама больш дваццаці ўзнагарод у вобласці музыкі, некаторыя з якіх — дзяржаўнага ўзроўня.

У 2012 годзе Каліёпі Букле была абрана з дапамогай унутранага адбору як прадстаўніца Македоніі на конкурсе песні Еўрабачанне 2012, які адбыўся ў горадзе Баку[3][4]. 17 студзеня была абрана конкурсная песня «Црно и бело»[5]. Варта адзначыць, што гэта другая спроба артысткі скарыць конкурс — у 1996 годзе яна выйграла нацыянальны адбор, і магла б стаць першай прадстаўніцай Македоніі на Еўрабачанні, аднак з-за непраходжання кваліфікацыйнага раўнда яе ўдзел так і не адбыўся[4]. На Еўрабачанне 2012, у другім паўфінале, заняла 9-ае месца, атрымаўшы 53 балы. У фінале конкурсу Еўрабачанне 2012 заняла 12-ае месца, атрымаўшы 71 бал. Каліёпі паказала лепшы вынік сваёй краіны за ўсю гісторыю ўдзелу Македоніі ў конкурсе песні Еўрабачанне.

24 лістапада 2015 года было абвешчана, што Каліёпі ізноў прадставіць Македонію на Еўрабачанні 2016 года[6].

Дыскаграфія[правіць | правіць зыходнік]

  • Калиопи (1986)
  • Роџени (1987)
  • Обои ме (1999)
  • Ако денот ми е ноќ (2001)
  • Најмила — Live and Unreleased (2002)
  • Не ми го земај времето (2003)
  • Ме, Исадора (2005)
  • The Best Of (2007)
  • Желим ти реци (2008)
  • Oblivion (2009)
  • Порака (2010)
  • Crno I Belo — single (2012)
  • Vucica — single (2012)
  • Melem — single (2012)
  • Melem (альбом) (2013)

Зноскі

Спасылкі[правіць | правіць зыходнік]