Камандаванне па аказанні ваеннай дапамогі В’етнаму

Камандаванне па аказанні ваеннай дапамогі В’етнаму
Нарукаўная эмблема КАВДВ.
Гады існавання	1962—1973
Краіна	ЗША
Уваходзіць у	Інда-Ціхаакіянскае камандаванне Узброеных сіл ЗША
Тып	unified combatant command[d]
Дыслакацыя	Паўднёвы В’етнам
Войны	Вайна ў В’етнаме

Камандаванне па аказанні ваеннай дапамогі В’етнаму (англ.: Military Assistance Command, Vietnam — MACV) — штабная структура ва Узброеных сілах ЗША падчас вайны ў В’етнаме, якая ажыццяўляла камандаванне ўсімі вайсковымі падраздзяленнямі ЗША ў Паўднёвым В’етнаме.

КАВДВ было створана 8 лютага 1962 года. Неабходнасць у такой структуры была выклікана пашырэннем амерыканскай ваеннай прысутнасці ў краіне. Штаб КАВДВ размяшчаўся ў міжнародным аэрапорце Таншанят на паўночна-захад ад Сайгона і часам неафіцыйна згадваўся як «Пентагон Усход» (Pentagon East). Камандаванне мела кантроль над усімі падраздзяленнямі арміі, Корпуса марской пяхоты, ВПС і ВМС ЗША на тэрыторыі Паўднёвага В’етнама. Акрамя таго, камандуючы КАВДВ меў пэўныя паўнамоцтвы адносна правядзення паветраных і наземных аперацый у Камбоджы, Лаосе і паўднёвай часткі Паўночнага В’етнама.

КАВДВ была расфармавана 29 сакавіка 1973 года ў сувязі з завяршэннем вываду амерыканскіх войскаў з краіны.

Камандуючыя КАВДВ

• Пол Харкінс (люты 1962 — чэрвень 1964)
• Уільям Уэстморленд (чэрвень 1964 — чэрвень 1968)
• Крэйтан Абрамс (ліпень 1968 — чэрвень 1972)
• Фрэдэрык Вейэнд (чэрвень 1972 — сакавік 1973)

Структуры ў падпарадкаванні

• Армія ЗША ў В’етнаме
• Ваенна-марскія сілы ў В’етнаме
• 7-я паветраная армія
• III амфібійны корпус марской пяхоты
• I палявы корпус, В’етнам
• II палявы корпус, В’етнам
• XXIV корпус
• 5-я група войскаў спецыяльнага прызначэння

Спасылкі

• Shoulder Sleeve Insignia(недаступная спасылка)
• History of MACV
• Saigon Facilities Map 1969