Камень філарэтаў

З пляцоўкі Вікіпедыя
Jump to navigation Jump to search

Камень філарэтаў — геалагічны помнік прыроды на Беларусі (з 1972 г.). Знаходзіцца за 500 м на паўночны захад ад в. Карчова Баранавіцкага раёна Брэсцкай вобласці, ва ўрочышчы Кут, недалёка ад Туганавіцкага парку.

Валун сярэднезярністага граніту з крышталямі амфіболу. Даўжыня 4,1 м, шырыня 3 м, вышыня 1,9 м, у абводзе 13,9 м, аб'ём 12 м3, маса каля 32 т. Прынесены ледавіком каля 200—120 тысяч год назад са Скандынавіі.

Месца сустрэч «філарэтаў», членаў канспіратыўнага таварыства патрыятычнай студэнцкай моладзі: А. Міцкевіча, Т. Зана, Я. Чачота, І. Дамейкі, Ю. Яжэўскага, Ф. Малеўскага і інш.. У сувязі з гэтым валун атрымаў вядомасць як «Камень філарэтаў».

Літаратура[правіць | правіць зыходнік]

  • Беларуская энцыклапедыя ў 18 тамах, том 7, Мінск 1998, стар. 519.
  • Архітэктура Беларусі. Энцыклапедычны даведнік, Мінск 1993, стар. 469.
  • Памяць. Баранавічы. Баранавіцкі раён. Мінск, Белта, 2000, стар. 637,658-659.
  • Несцярчук Л. М. Палацы, паркі, замкі Баранавіцкага раёна. Гісторыя, стан, перспектывы. Брэст, 1999, стар. 62-66.
  • Габрусь Т., Кулагін А., і інш. Страчаная спадчына. Мн., 1998, стар. 223—224.