Камітэт рэгіёнаў

Камітэт рэгіёнаў (англ.: Committee of the Regions) — кансультатыўны орган Еўрапейскага саюза, які створаны ў 1994 годзе і служыць гарантам таго, што мясцовыя і рэгіянальныя ўлады прымаюць непасрэдны ўдзел у дзейнасці інстытутаў арганізацыі.

Роля[правіць | правіць зыходнік]

Камітэт рэгіёнаў быў створаны з мэтай наблізіць Еўропу да сваіх грамадзян, а таксама даць магчымасць выказаць сваё меркаванне на еўрапейскім узроўні прадстаўнікам мясцовых і рэгіянальных аб'яднанняў, з прычыны таго, што менавіта яны закліканы ўвасобіць у жыццё вялікую частку еўрапейскага заканадаўства.

Паводле Маастрыхцкага і Амстэрдамскага дагавораў, Еўрапейская камісія, а таксама Савет міністраў абавязаны кансультавацца з Камітэтам рэгіёнаў па пытаннях, якія будуць мець непасрэднае значэнне для мясцовага і рэгіянальнага ўзроўняў у наступных абласцях палітыкі: сацыяльная і эканамічная згуртаванасць, ахова здароўя, адукацыя і культура, прафесійная адукацыя, транспарт.

Па некаторых пытаннях Камітэт рэгіёнаў выступае з ініцыятыўнымі меркаваннямі, а таксама сочыць за выкананнем прынцыпу субсідыярнасці, запісаным у Маастрыхцкім дагаворы, паводле якога, рашэнні павінны прымацца на ўзроўні, найбольш блізкім да грамадзянам.

Склад[правіць | правіць зыходнік]

Камітэт складаецца з 344 членаў, прызначаных на 5-гадовы тэрмін (узнаўляльны) урадамі краін Еўрапейскага саюза, якія прымаюць рашэнні ва ўмовах поўнай палітычнай незалежнасці.

Дзяржава	Кол-ць прадстаўнікоў	Дзяржава	Кол-ць прадстаўнікоў	Дзяржава	Кол-ць прадстаўнікоў
Германія	24	Чэхія	12	Фінляндыя	9
Вялікабрытанія	24	Бельгія	12	Ірландыя	9
Францыя	24	Венгрыя	12	Літва	9
Італія	24	Партугалія	12	Латвія	7
Іспанія	21	Швецыя	12	Славенія	7
Польшча	21	Балгарыя	12	Эстонія	7
Румынія	15	Аўстрыя	12	Кіпр	6
Нідэрланды	12	Славакія	9	Люксембург	6
Грэцыя	12	Данія	9	Мальта	5
УСЯГО					344