Канстанцін Іванавіч Арлоўскі
Канстанцін Іванавіч Арлоўскі | |
---|---|
Дата нараджэння | 15 снежня 1913 |
Месца нараджэння | |
Дата смерці | 22 ліпеня 1944 (30 гадоў) |
Месца смерці |
|
Месца пахавання | |
Грамадзянства | |
Прыналежнасць | СССР |
Род войскаў | танкавыя войскі |
Гады службы | 1934—1944 |
Званне | капітан |
Бітвы/войны | Вялікая Айчынная вайна |
Узнагароды і званні |
Канстанцін Іванавіч Арлоўскі (15 снежня 1913, Быхаў, Магілёўская губерня — 22 ліпеня 1944, Латвійская ССР) — Герой Савецкага Саюза.
Біяграфія[правіць | правіць зыходнік]
Нарадзіўся 15 снежня 1913 года ў Быхаве ў сялянскай сям’і.
Закончыў школу-сямігодку. Працаваў аўтамеханікам у родным горадзе. У 1934 годзе прызваны ў Чырвоную Армію. Служыў у танкавых войсках, закончыў Бабруйскае танкавае вучылішча (1939). Удзельнік савецка-фінляндскай вайны.
На фронце з 17 ліпеня 1941 г. Ваяваў на Заходнім, 1-м і 2-м Прыбалтыйскім франтах.
Камандзір танкавага батальёна 41-й танкавай брыгады (5-ы танкавы корпус, 2-і Прыбалтыйскі фронт) капітан К. І. Арлоўскі праявіў выключную мужнасць і гераізм пры вызваленні Латвіі.
З 17 па 22 ліпеня 1944 г. яго батальён з баямі прайшоў па тылах ворага больш за 300 км. У гэтым рэйдзе танкісты прарвалі 2 тылавыя абарончыя рубяжы ворага, грамілі нямецкія тылы, парушалі камунікацыі і сувязь, чым забяспечылі імклівае наступленне танкавай брыгады. Каля г. Даўгаўпілс батальён перарэзаў шлях адыходу дзвінскай групоўцы праціўніка. На працягу ўсёй аперацыі танкісты знішчылі 12 танкаў, больш 40 гармат, шмат іншай баявой тэхнікі, каля 300 гітлераўскіх салдат і афіцэраў. Адважны камбат загінуў у гэтым баі.
За ўзорнае выкананне баявых заданняў камандавання і праяўленыя пры гэтым адвагу і мужнасць капітану К. І. Арлоўскаму прысвоена званне Героя Савецкага Саюза пасмяротна (24.03.1945). Узнагароджаны ордэнамі Леніна, Айчыннай вайны 2-й ступені.
Пахаваны на месцы бою ў населеным пункце Малінавы. У 1949 годзе астанкі героя перапахаваны на брацкіх могілках савецкіх генералаў і афіцэраў у парку Ленінскага Камсамола ў Даўгаўпілсе (Латвія).
Памяць[правіць | правіць зыходнік]
У Даўгаўпілсе і Быхаве імем Героя названы вуліцы.
Зноскі
Літаратура[правіць | правіць зыходнік]
- Арлоўскі Канстанцін Іванавіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 486. — 10 000 экз. — ISBN 985-11-0035-8. — ISBN 985-11-0036-6 (т. 1).
- Арлоўскі Канстанцін Іванавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 40. — 680 с. — 20 000 экз. — ISBN 5-85700-012-2.
Спасылкі[правіць | правіць зыходнік]
- Канстанцін Іванавіч Арлоўскі на сайце «Героі краіны»
- Нарадзіліся 15 снежня
- Нарадзіліся ў 1913 годзе
- Нарадзіліся ў Быхаве
- Памерлі 22 ліпеня
- Памерлі ў 1944 годзе
- Памерлі ў Латвіі
- Пахаваныя ў Даўгаўпілсе
- Героі Савецкага Саюза
- Кавалеры ордэна Леніна
- Кавалеры ордэна Айчыннай вайны II ступені
- Асобы
- Удзельнікі Вялікай Айчыннай вайны
- Танкісты Вялікай Айчыннай вайны
- Загінулі ў баях Вялікай Айчыннай вайны