Канстанцін Ігаравіч Ганчароў
| Канстанцін Ігаравіч Ганчароў | |
|---|---|
| Дата нараджэння | 27 кастрычніка 1987 (38 гадоў) |
| Месца нараджэння | |
| Адукацыя | |
| Прафесія | педагог, тэатральны рэжысёр |
Канстанцін Ігаравіч Ганчароў (нар. 27 кастрычніка 1987 года, Віцебск) — беларускі тэатральны дзеяч. Мастацкі кіраўнік Нацыянальнага акадэмічнага драматычнага тэатра імя Якуба Коласа (з верасня 2024 года)[1].
Біяграфія
[правіць | правіць зыходнік]У 2008 годзе скончыў Віцебскае дзяржаўнае вучылішча мастацтваў, у 2016 годзе — Беларускі дзяржаўны ўніверсітэт культуры і мастацтваў.
Працаваў у розных установах культуры і адукацыі, прымаў актыўны ўдзел у віцебскім гарадскім конкурсе "Сцэнічныя чытанні «Школьны тэатр», арганізатарам якога з’яўляецца тэатр імя Якуба Коласа. З 2022 года працуе ў Віцебскім дзяржаўным каледжы культуры і мастацтваў выкладчыкам цыклавой камісіі рэжысуры і майстэрства акцёра. У 2023 годзе Канстанцін Ганчароў паставіў на вялікай сцэне тэатра імя Якуба Коласа драму «Выбар» па п’есе А.Дударава, у 2024-м — ваенную драму «Сотнікаў» паводле аднайменнай аповесці В.Быкава.