Канстанцін Аляксеевіч Рудзянок

Канстанцін Рудзянок
Агульная інфармацыя
Поўнае імя	Канстанцін Аляксеевіч Рудзянок
Нарадзіўся	15 снежня 1990(1990-12-15) (30 гадоў) Гомель, Гомельская вобласць, БССР, СССР
Грамадзянства	Беларусь
Рост	191 см
Вага	84 кг
Пазіцыя	брамнік
Інфармацыя пра клуб
Клуб	няма
Клубная кар’ера
2007—2012 Гомель 0 (0) 2010 →  Гомель-2 7 (-8) 2012 Нафтан (Наваполацк) 1 (-0) 2013—2014 Дынама-Брэст 29 (-60) 2015—2016 Слуцк 11 (-13) 2016 Іслач (Мінскі раён) 12 (-8) 2017 Гомель 11 (-8) 2017—2018 Дынама-Брэст 2 (-2) 2018 →  Тарпеда (Мінск) 15 (-19) 2018—2019 Армавір 43 (-5) 2020 Дынама (Мінск) 1 (-2)

Канстанцін Рудзянок (нар. 15 снежня 1990, Гомель) — беларускі футбаліст, брамнік.

Клубная кар’ера

Выхаванец гомельскага футбола, гуляў за дубль «Гомеля». У маі 2012 года пакінуў гомельскі клуб і ў хуткім часе перайшоў у наваполацкі «Нафтан».

У пачатку 2013 года стаў іграком брэсцкага «Дынама», дзе неўзабаве стаў другім брамнікам пасля Андрэя Клімовіча. Улетку 2013 года выхадзіў у асноўным складзе ў двух матчах Кубка Беларусі, а 30 лістапада 2013 года выйшаў на замену замест Клімовіча ў апошнім туры супраць «Славіі», тым самым дэбютаваў за брэсцкі клуб у чэмпіянаце.

Пасля зыходу Андрэя Клімовіча ў «Гомель» стаў асноўным брамнімкам «Дынама» ў сезоне 2014, згуляў у 28 матчах чэмпіянату з 32. У снежні 2014 года па заканчэнні кантракта пакінуў «Дынама».

У студзені 2015 года падпісаў кантракт са «Слуцкам». У слуцкім клубе стаў другім брамнікам пасля Артура Лясько. Сезон 2016 з-за траўмы Лясько пачынаў асноўным брамнікам, але потым страціў месца ў складзе. У ліпені 2016 разарваў кантракт са «Слуцкам» і неўзабаве стаў іграком «Іслачы», дзе замацаваўся ў якасці асноўнага брамніка.

У снежні 2016 года вярнуўся ў «Гомель». У складзе роднага клуба пачаў сезон 2017 у якасці асноўнага брамніка. У ліпені 2017 года перайшоў у брэсцкае «Дынама». Быў другім брамнікам дынамаўцаў пасля Жэрэмі Малерба, пазней, згуляўшы ў двух матчах, саступіў месца на полі Паўлу Паўлючэнку.

У пачатку 2018 года склад «Дынама» папоўніў брамнік нацыянальнай зборнай Аляксандр Гутар, і Рудзянок, не маючы магчымасці прабіцца ў склад, у сакавіку 2018 года на правах арэнды далучыўся да мінскага «Тарпеда». У складзе сталічнага клуба стаў асноўным брамнікам. У ліпені 2018 года пакінуў «Тарпеда», а неўзабаве разарваў кантракт з брэсцкім клубам і перайшоў у расійскі «Армавір». У сезоне 2018/19 быў трывалым асноўным брамнікам каманды, а ў другой палове 2019 года стаў часцей заставацца на лаўцы запасных.

У студзені 2020 года па пагадненні бакоў пакінуў «Армавір» і ў хуткім часе папоўніў склад мінскага «Дынама». Быў другім брамнікам мінчан пасля Максіма Плотнікава. У чэрвені 2020 года быў пераведзены ў дубль, у асноўную каманду больш не вяртаўся. У снежні 2020 года па заканчэнні кантракта пакінуў «Дынама».