Канстанцін Мярска

Канстанцін Мярска
Дата нараджэння	28 мая 1896(1896-05-28)
Месца нараджэння	Курэссаарэ, Эзельскі павет[d], Ліфляндская губерня, Расійская імперыя
Дата смерці	30 жніўня 1951(1951-08-30) (55 гадоў)
Месца смерці	Талін, Талін, Хар’юмаа, Эстонія
Месца пахавання	Могілкі Рахумяэ
Грамадзянства	Эстонія  СССР
Прафесія	аператар-пастаноўшчык, кінааператар
IMDb	ID 0617502
Медыяфайлы на Вікісховішчы

Канстанцін Мярска (эст.: Konstantin Märska; 28 мая 1896, Валміера — 30 жніўня 1951, Талін) — эстонскі кінааператар і рэжысёр; піянер эстонскага кінамастацтва.

Разам са старэйшым братам Тэадорам Мярска (1889—1961) у 1919 годзе заснаваў кінакампанію Estonia-Film. Капітал кантралявалі браты Ёханэс і Пеэтэр Парыкас. Кампанія збанкрутавала ў 1932 годзе.

У 1921 годзе Мярска выпусціў, магчыма, другі мастацкі фільм у гісторыі эстонскага кінематографа, камедыю «Armastuse pisielukas». У 1924 годзе як аператар ён зняў першы ў Эстоніі поўнаметражны нямы фільм Mineviku varjud, які сёння лічыцца зніклым. З 1925 года Мярска працаваў аператарам кінахронікі ў UFA і ў Paramount у Германіі. Улетку 1928 года вярнуўся з Берліна ў Эстонію.

У канцы 1920-х гадоў Мярска зняў яшчэ тры нямыя фільмы ў Эстоніі ў сваёй уласнай кампаніі Konstantin Märska Filmiproduktsioon. У 1930 годзе пад кіраўніцтвам Барыса Яанікоска Мярска працаваў над мастацкім фільмам «Залаты павук». Карціна з вакальнымі ўстаўкамі была першай спробай стварэння гукавога фільма ў Эстоніі. Гук прайграваўся на грамафонных кружэлках у кінатэатры. Аднак фільм праваліўся ў пракаце з-за тэхнічных недахопаў.