Канстанцін Мікалаевіч Бачароў

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Бачароў.
Канстанцін Бачароў
укр.: Костянтин Миколайович Бочаров
Асноўная інфармацыя
Поўнае імя Канстанцін Мікалаевіч Бачароў
Дата нараджэння 11 красавіка 1997(1997-04-11)[1] (27 гадоў)
Месца нараджэння
Краіна Украіна
Альма-матар
Музычная дзейнасць
Прафесіі аўтар-выканаўца, кампазітар, спявак
Гады актыўнасці 2015 — дагэтуль
Пеўчы голас тэнар
Інструменты фартэпіяна, гітара і вакал[d]
Жанры сінці-поп
Псеўданімы Melovin (Nick Melovin)
melovinmusic.com
Лагатып Вікісховішча Медыяфайлы на Вікісховішчы

Канстанцін Мікалаевіч Бачароў (укр.: Костянти́н Микола́йович Бочаро́в; больш вядомы, як Mélovin; нар. 11 красавіка 1997, Адэса, Украіна) — украінскі спявак, пераможца шостага сезона ўкраінскага вакальнага шоу «X-Фактар», фіналіст Нацыянальнага адбору Украіны на 62-гі песенны конкурс «Еўрабачанне».

Жыццяпіс[правіць | правіць зыходнік]

Дзяцінства і юнацтва[правіць | правіць зыходнік]

Канстанцін нарадзіўся 11 красавіка 1997 года ў Адэсе ў сям’і Мікалая і Валянціны Бачаровых. З самага дзяцінства ён цікавіўся творчасцю, хоць і марыў быць цырульнікам, поварам або настаўнікам. У школе пастаянна рабіў пастаноўкі, арганізоўваў канцэрты, у якіх сам прымаў удзел[2]. Таксама вучыўся ў музычнай школе, якую пасля пакінуў[3].

2015—2016: «Х-фактар» і пачатак кар’еры[правіць | правіць зыходнік]

Канстанцін тройчы прымаў удзел у адборах да ўкраінскага вакальнага шоў «Х-фактар», але ні разу не трапляў на тэлевізійныя кастынгі[4]. У шостым сезоне 2015 года ён, нарэшце, прайшоў да этапу праслухоўвання перад суддзямі, дзе пасля выканання песні «Без бою» групы «Акіян Эльзы» атрымаў пуцёўку ў трэніравальны лагер. Канстанцін з’явіўся ў прамых эфірах шоў і дайшоў да суперфіналу, у якім па выніках глядацкага галасавання стаў пераможцам[5]. Падчас удзелу ў «Х-фактар» (шосты сезон) выконваў песні Стаса Шурынса, Тома Оделла, Адэль, Джамалы, Валерыя Меладзэ, Юрка Юрчанка і гуртоў «Акіян Эльзы», «Muse», «Pianoбой», «MBAND», «The Rasmus» і «Скрабін». Пасля перамогі разам з іншымі ўдзельнікамі шоу Канстанцін паехаў у канцэртны тур па Украіне.

Вонкавыя выявы
Неардынарны сцэнічны імідж
Пераможца Х-фактару
Ўдзельнік фіналу Еўрабачання-2017 ад Украіны
Эмоцыі падчас суперфіналу Х-фактару

2017: «Еўрабачанне»[правіць | правіць зыходнік]

У канцы 2016 года Канстанцін вырашыў прыняць удзел у нацыянальным адборы на 62-й песенны конкурс «Еўрабачанне». 17 студзеня 2017 года ў спісе паўфіналістаў было абвешчана і яго імя[6]. Згодна з жараб’ёўкай 18 лютага 2017 года спявак выступіў у трэцім паўфінале, выканаў аўтарскую песню «Wonder». Па выніках галасавання гледачоў і журы, Канстанцін трапіў у фінал нацыянальнага адбору, дзе зноў атрымаў максімальны бал ад гледачоў. У выніку заняў трэцяе месца, саступіўшы спявачцы Tayanna і групе «O.Torvald».

Дыскаграфія[правіць | правіць зыходнік]

  • Не одинокая (2016)
  • На взлёт (2016)
  • Wonder (2016)
  • Unbroken (2017)
  • Hooligan (2017)
  • Шлях (2017)
  • Світ в полонi (2017)
  • Play This Life (2017)
  • Face to face (2017)
  • Under The Ladder (2018)
  • That’s Your Role (2018)
  • З тобою, зі мною, і годі (2018)
  • Чудова мить (2018)
  • Ты (2019)
  • Ти (2019)
  • Oh, No (2019)
  • Expectations (2019)
  • Your Entertainment (2019)
  • Want You To Stay (2019)

Музычныя відэа[правіць | правіць зыходнік]

Год Назва Рэжысёр
2016 На взлёт Аляксандр Танканог

Зноскі

  1. ↑ Mélovin // https://pantheon.world/profile/person/Mélovin
  2. ↑ (руск.) Победитель шоу «Х-фактор-6» Костя Бочаров откровенно о своих увлечениях, учебе, воспитании и желании стать артистом(недаступная спасылка) (6 студзеня 2016). Архівавана з першакрыніцы 20 сакавіка 2019. Праверана 19 лютага 2017.
  3. ↑ (руск.) Победитель "Х-фактора" Константин Бочаров: "Когда назвали мое имя, ноги подкосились, и я упал прямо на сцене". Факты и комментарии (30 снежня 2015). Праверана 19 лютага 2017.
  4. ↑ (руск.) Одессит Костя Бочаров: Пойти на «Х-фактор» меня вдохновила покойная бабушка (6 снежня 2015). Праверана 19 лютага 2017.
  5. ↑ (руск.) Х-фактор 6 сезон: Игорь Кондратюк о победе Кости Бочарова (27 снежня 2015). Праверана 19 лютага 2017.
  6. ↑ (укр.) Визначено імена півфіналістів Національного відбору на «Євробачення-2017»(недаступная спасылка). СТБ (17 студзеня 2017). Архівавана з першакрыніцы 18 лютага 2017. Праверана 19 лютага 2017.

Спасылкі[правіць | правіць зыходнік]

Узята з "https://be.wikipedia.org/w/index.php?title=Канстанцін_Мікалаевіч_Бачароў&oldid=4428549"