Капітан Марвел (фільм)

Капітан Марвел
англ.: Captain Marvel
Жанры	супергеройскі фільм, навукова-фантастычны фільм, баявік і прыгодніцкі фільм
Рэжысёры	Ryan Fleck[d] Anna Boden[d]
Прадзюсар	Кевін Файгі
Сцэнарысты	Anna Boden[d] Geneva Robertson-Dworet[d] Ніколь Перлман[d] Мэг Лефоў[d] Ryan Fleck[d]
У галоўных ролях	Бры Ларсан Кларк Грэг Рунэ Тэмтэ[d] Альгеніс Перэс Сота[d] Грэйс Макена[d] Akira Akbar[d] Matthew Maher[d] Chuku Modu[d] Vik Sahay[d] Колін Форд[d] Кенет Мітчэл[d] Сэмюэл Л. Джэксан Stephen A. Chang[d] Pete Ploszek[d] Matthew 'Spider' Kimmel[d] Stephen 'Cajun' Del Bagno[d] London Fuller[d] Azari Akbar[d] Mark Daugherty[d] Diana Toshiko[d] Barry Curtis[d] Emily Ozrey[d] Бен Мендэльсан[d] Abigaille Ozrey[d] Marilyn Brett[d] Стэн Лі Роберт Казінскі[d] Nelson Franklin[d] Патрык Брэнан[d] Patrick Gallagher[d] Ana Ayora[d] Lyonetta Flowers[d] Rufus Flowers[d] Джуд Лоу Sharon Blynn[d] Auden L. Ophuls[d] Harriet L. Ophuls[d] Matthew Bellows[d] Richard Zeringue[d] Дуэйн Генры Reggie[d] Gonzo[d] Archie[d] Rizzo[d] Анет Бенінг Джыман Унсу[d] Лі Пэйс Лашана Лінч[d] Джэма Чан[d] James Morrison[d] Скарлет Ёхансан Крыс Эванс Марк Рафала Дон Чыдл[d] Gil De St. Jeor[d] Stanley Wong[d] Azari Akbar[d] Kelly Sue DeConnick[d]
Аператар	Бэн Дэвіс
Кампазітар	Pınar Toprak[d]
Мастак-пастаноўшчык	Andy Nicholson[d]
Кінакампанія	Marvel Studios[d]
Працягласць	124 хв.
Бюджэт	152 000 000 $
Зборы	1 128 462 972 $ і 426 829 839 $
Краіна	ЗША
Мова	англійская
Год	8 сакавіка 2019, 7 сакавіка 2019 і 6 сакавіка 2019
Папярэдні фільм	Чалавек-мураш і Аса (у храналогіі КСМ)
Наступны фільм	Марвелы (у дылогіі аб Капітане Марвел) Мсціўцы: Фінал (у храналогіі КСМ)
IMDb	ID 4154664
Афіцыйны сайт (англ.)
Медыяфайлы на Вікісховішчы

«Капіта́н Ма́рвел» (англ.: Captain Marvel) — амерыканскі супергеройскі фільм 2019 года, заснаваны на коміксах пра персанажа Кэрал Дэнверс выдавецтва Marvel Comics, вытворчасці Marvel Studios і дыстрыбуцыі Walt Disney Studios Motion Pictures. З’яўляецца дваццаць першай карцінай кінематаграфічнага сусвету Marvel. Фільм зняты рэжысёрамі Ганнай Бодэн і Раянам Флекам па сцэнарыі Ніколь Перлман і Мэг Ле-Фоў. У галоўных ролях — Бры Ларсан, Сэмюэл Л. Джэксан, Бен Мендэльсан і Джуд Лоу.

Фільм, заснаваны на персанажы Кэрал Дэнверс, знаходзіўся ў распрацоўцы ў Marvel Studios ужо з мая 2013 года. Дата выхаду была ўпершыню абвешчана ў кастрычніку 2014 года, а ў красавіку 2015 года Marvel наняў сцэнарыстаў Перлман і Ле-Фоў. У час San Diego Comic-Con International у 2016 годзе было абвешчана, што Ларсан выканае ролю гераіні. У красавіку 2017 года Marvel абвясціў, што рэжысёрамі сталі Бодэн і Флек. Здымкі фільма пачаліся ў студзені 2018 года ў Pinewood Studios, у акрузе Феет, штат Джорджыя, і доўжыліся да мая 2018 года.

Фільм выйшаў на экраны 7 сакавіка 2019 года у фармаце IMAX. Станам на 17 сакавіка 2019 года, фільм зарабіў у сусветным пракаце больш за $760,2 млн, што на гэты момант робіць яго самай касавай кінакарцінай 2019 года. У прэсе «Капітан Марвел» атрымала стрымана-станоўчыя ацэнкі.

Сюжэт

1995 год. Хала, сталіца Імперыі Крыі. Верс, член элітнага разведвальнага атрада «Зорная сіла», пакутуе ад пастаянных начных кашмараў. Ён-Рог, яе асабісты настаўнік і камандор атрада, ужо некалькі гадоў вучыць яе кантраляваць свае здольнасці і эмоцыі. А Вышэйшы Розум (штучны інтэлект, урад Крыі) заклікае Верс верна служыць сваёй расе.

Ужо шмат стагоддзяў ідзе бязлітасная вайна паміж крыі і скруламі, расай метаморфаў. У час місіі па выратаванні разведчыка крыі, які быў пасланы на планету Торфа з тайным заданнем і патрапіў у палон да скрулаў, Верс тоапляе ў палод да камандзіра скрулаў Таласа і падвяргаецца даследаванням, мэтай якіх з’яўляецца пошук у падсвядомасці Верс каардынат звышсветлавой крыніцы энергіі, неабходнага для скрулаў. Верс удаецца збегчы з карабля скрулаў, але праз атрыманыя пашкоджанні яе выратавальная капсула разбураецца, і гераіня церпіць крушэнне над Лос-Анджэлесам. Яе раптоўнае з’яўленне на Зямлі прыцягвае ўвагу агентаў арганізацыі Ш. Ч.Ы. Т. Ніка Ф’юры і Філа Колсана. Але гутарку герояў перарывае раптам раптоўнае з’яўленне скрула. У пагоні за ім Верс знаходзіць крышталь, што змяшчае яе сапраўдныя ўспаміны, вынятыя скруламі; а Ф’юры забівае іншага скрула, які замаскіраваўся пад Колсана. Талас, які замаскіраваўся, у сваю чаргу, пад главу Ш. Ч.Ы. Т.а Келера, пераконвае Ф’юры сустрэцца і папрацаваць з Верс.

Выкарыстоўваючы допуск Ф’юры на звышсакрэтную базу Пегас, Верс выяўляе, што была пілотам ВПС. Як гаварылася ў справаздачы, гераіня загінула пасля выпрабавання эксперыментальнага рухавіка, распрацаванага доктарам Вэндзі Лоўсан, якую Верс і бачыла ў сваіх начных кашмарах (і Вышэйшы Розум Крыі паўставаў перад Верс менавіта ў абліччы доктара Лоўсан). З даных базы вынікае, што ёсць сведка тых падзей, былы пілот ВПС Марыя Рамбо. Ф’юры і Верс разам з кошкай Лоўсан па мянушцы Гуся збягаюць ад Таласа на грузавым самалёце, накіроўваючыся ў Новы Арлеан, Луізіяна, каб знайсці Рамбо.

Сустрэўшыся з Марыяй і яе дачкой, Верс пачынае ўспамінаць сваё сапраўднае мінулае і даведваецца сваё імя — Кэрал Дэнверс. Талас знаходзіць Ф’юры і Кэрал. Ён распавядае, што скрулы — толькі бежанцы, якія шукаюць новы дом пасля таго, як паднялі паўстанне супраць бясчынстваў і злачынстваў расы крыі. Доктар Лоўсан, насамрэч, родам з Халы, была трайным агентам, насіла імя Мар-Вэл і вывучала магчымасці выкарыстання звышсветлавога рухавіка для абароны скрулаў ад крыі. Талас дае праслухаць Кэрала апошні запіс з чорнай скрыні таго самалёта, што разбіўся. Гэта прымушае Дэнверс успомніць усе падзеі катастрофы. Кэрал і доктар Лоўсан тады ляцелі ў сакрэтную лабараторыю, але былі падбіты караблём крыі, якім кіравалі Ён-Рог і Мінь-Эрва. Перад смерцю Лоўсан распавяла Дэнверс усю праўду і загадала знішчыць энергетычнае ядро рухавіка. Але здарылася так, што ўсю энергію ядра пасля выбуху паглынула Кэрала, што сцерла ўсе яе ўспаміны. Пасля гэтага крыі забралі Дэнверс на Халу і пералілі ёй кроў Ён-Рога, ужывіўшы ў шыю спецыяльны чып, які блакаваў асноўныя здольнасці гераіні. Успомніўшы ўсё гэта, Кэрал вырашае парваць з крыі назаўжды. Каардынаты лабараторыі Лоўсан апынуліся прасторавым пунктам на арбіце Зямлі. Кэрал, Ф’юры, кошка Гусі, Марыя Рамбо і Талас ляцяць туды і знаходзяць схаваны карабель, дзе хаваецца група скрулаў (у тым ліку сям’ю Таласа), якія абараняюць Тэсеракт, крыніцу энергіі звышсветлавога рухавіка.

Ён-Рог, Мінь-Эрва і іншыя члены «Зорнай сілы» захопліваюць Кэрал і змяшчаюць яе падсвядомасць у рэальнасць Вышэйшага Розуму. У час гутаркі з Ім Дэнверс вырывае чып крыі са сваёй шыі, атрымліваючы доступ да ўсіх сваіх здольнасцей. Пасля гэтага разгараецца бітва. Кэрал і Ф’юры ўдаецца займець Тэсеракт, які затым паглынае Гуся, якая апынулася зусім не кошкай, а іншапланецянінам з расы флеркінаў, здольных ствараць унутры сябе кішэнныя сусветы. У бітву ўступае флот Крыі пад камандаваннем Ронана Абвінаваўцы. Кэрал знішчае некалькі балістычных ракет, выпушчаных крыі ў бок Зямлі, вымушаючы Ронана і яго сілы адступіць. На Зямлі Ён-Рог выкарыстоўвае апошнюю спробу адолець Кэрала і выклікае яе на роўны паядынак без суперздольнасцей. Але гераіня накаўтуе яго фатонным бластарам са сваёй рукі. Кэрал адпраўляе Ён-Рога назад на Халу з папярэджаннем усяму народу крыі і Вышэйшаму Розуму.

Гераіня пакідае Ф’юры яго мадыфікаваны пэйджар, з дапамогай якога ён зможа звязацца з ёй у межах дзвюх-трох галактык, але толькі ў крайняй бязвыхаднай сітуацыі. Кэрал ляціць з Зямлі, каб дапамагчы скрулам знайсці новы дом і гасіць канфлікты, якія разгараюцца ў Сусвеце. Ф’юры канчаткова страчвае левае вока з-за драпін, нанесеных яму Гусяй у час бітвы з крыі. Агент складае прапанову «Абаронцы» па абароне Зямлі ад новых іншапланетных пагроз. Паглядзеўшы на фатаграфію Кэрал з яе пазыўным «Мсцівец» на борце самалёта, Нік вырашае даць сваёй прапанове новую назву: «Ініцыятыва „Мсціўцы“».

У першай сцэне пасля тытраў, у нашы дні Мсціўцы, якія засталіся ў жывых, а менавіта: Стыў Роджэрс, Наташа Раманаф, Брус Бэнер і Джэймс Роўдс — аналізуюць на базе знойдзены пэйджар Ф’юры з лагатыпам Капітана Марвел, які Нік актываваў перад сваім знікненнем. У гэты момант раптам з’яўляецца Кэрал і пытае: «Дзе Ф’юры?»

У другой сцэне пасля тытраў, у 1995 годзе, у кабінеце Ф’юры Гуся заскаквае на стол і выплёўвае Тэсеракт.

У ролях

Акцёр	Роля
Бры Ларсан	Кэрал Дэнверс / Верс / Капітан Марвел Кэрал Дэнверс / Верс / Капітан Марвел
Сэмюэл Л. Джэксан	Нік Ф'юры агент Нік Ф'юры
Бен Мендэльсан	Талас / Келер Талас / Келер лідар Скрулаў
Джыман Хансу	Корат Корат член «Зорнай сілы»
Лі Пэйс	Ронан Абвінаваўца Ронан Абвінаваўца
Лашана Лінч	Марыя Рамбо Марыя Рамбо сяброўка Кэрал, пілот
Джэма Чан	Мінь-Эрва Мінь-Эрва член «Зорнай сілы»
Анет Бенінг	Вышэйшы Розум / Мар-Вэл / доктар Вэндзі Лоўсан Вышэйшы Розум / Мар-Вэл / доктар Вэндзі Лоўсан
Кларк Грэг	Філ Колсан агент Філ Колсан
Джуд Лоу	Ён-Рог Ён-Рог лідар «Зорнай сілы»
Альхеніс Перэс Сота	Ат-Лас Ат-Лас член «Зорнай сілы»
Рун Тэмт	Брон-Чар Брон-Чар член «Зорнай сілы»
Акіра Акбар	Моніка Рамбо Моніка Рамбо дачка Марыі
Азары Акбар	Моніка Рамбо Моніка Рамбо (5 гадоў)
Роберт Казінскі	«Дон» «Дон»
Вік Сахай	Тарфан Тарфан
Чуку Моду	Со-Лар Со-Лар шпіён Крыі
Колін Форд	Стыў Дэнверс Стыў Дэнверс брат Кэрал
Кенет Мітчэл	Джозеф Дэнверс Джозеф Дэнверс бацька Кэрал
Мак-Кена Грэйс	Кэрал Кэрал (13 гадоў)
Лондан Фулер	Кэрал Кэрал (6 гадоў)
Шэран Блін	Сорэн Сорэн жонка Таласа
Стэн Лі	пасажыр цягніка (камеа)
Крыс Эванс	Стыў Роджэрс Стыў Роджэрс (камеа)
Марк Руфала	Брус Бэнер Брус Бэнер (камеа)
Скарлет Ёхансан	Наташа Раманаф Наташа Раманаф (камеа)
Дон Чыдл	Джэймс «Роўдзі» Роўдс Джэймс «Роўдзі» Роўдс (камеа)