Карагінскі востраў

З пляцоўкі Вікіпедыя
Jump to navigation Jump to search
Карагінскі
рус. Карагинский
Karahinski be.png
Характарыстыкі
Плошча1 935,97 км²
Насельніцтва
  • 0 чал.
Размяшчэнне
58°58′05″ пн. ш. 164°14′38,60″ у. д.HGЯO
АкваторыяБерынгава мора
Краіна
Карагінскі востраў (Расія)
Карагінскі
Карагінскі

Востраў Карагінскі (руск.: Карагинский) — востраў на захадзе Берынгава мора. Адміністрацыйна ўваходзіць у склад Камчацкага края Расіі. Плошча - 1935,97 км². На востраве вядзе эканамічную дзейнасць каракская абшчына, знаходзіцца персанал маяка.

Геаграфія[правіць | правіць зыходнік]

Карагінскі востраў месціцца за 27 км на ўсход ад Камчаткі, у Карагінскім заліве. Даўжыня з паўночнага ўсходу на паўднёвы захад — 109 км. Найбольшая шырыня — 54 км. Уздоўж сярэдняй часткі цягнецца горны хрыбет. Найвышэйшы пункт — гара Высокая (912 м). Паўднёва-ўсходняе узбярэжжа высокае і скалістае. На захадзе вылучаецца каса Сямёнава, даўжынёй 15,44 км. На востраве шмат рэк.

Клімат мяккі марскі. На працягу года сярэднія тэмпературы вагаюцца ад −11 °C да +11 °C. Сярэднегадавая колькасць ападкаў — 1250 мм, прычым большасць выпадае ў зімовы перыяд у выглядзе снега. На схілах гор снег можна заставацца да пачатку ліпеня.

Геалогія[правіць | правіць зыходнік]

У геалагічных адносінах Карагінскі востраў з'яўляецца часткай Камчацкага паўвострава. Вылучаюцца адклады перыяду мезазою на ўсходняй гарыстай частцы, а таксама на ўзвышанным поўдні — крамяністыя і гліністыя сланцы, туфы, пясчанікі і г. д. На поўдні і захадзе часцяком сустракаюцца кайназойскія адклады ў выглядзе друзу. Палеагенавыя і неагенавыя адклады характарызуюцца выхадамі базальтаў і пясчанікамі. У пясчаніках пліяцэну знаходзяць рэшткі флоры і фаўны. У чацвярцічны перыяд змены ўзроўню мора стварылі марскія адклады, пласты тарфянікаў, друзу, ледавіковыя і алювіяльныя адклады. Востраў Карагінскі ўваходзіць у зону частых землятрусаў.

Прырода[правіць | правіць зыходнік]

Карагінскі востраў пакрыты густой расліннасцю. Сустракаюцца рабіна, некалькі відаў хваёвых, бяроза і вольха. Востраў насяляюць ластаногія, пясцы, грызуны, шмат птушак.

Уся тэрыторыя Карагінскага вострава разам з дзвюхмільнай зонай уваходзіць у склад аднайменнага заалагічнага заказніка, створанага для аховы марскіх птушак.

Спасылкі[правіць | правіць зыходнік]