Карлас Гардэль

Карлас Гардэль Carlos Gardel
Асноўная інфармацыя
Дата нараджэння	11 снежня 1890(1890-12-11)[…] ці 11 снежня 1887(1887-12-11)
Месца нараджэння	Тулуза, дэпартамент Верхняя Гарона, рэгіён Поўдзень — Пірэнеі, Францыя, Tacuarembó[d], Tacuarembó Department[d], Уругвай або Аргенціна
Дата смерці	24 чэрвеня 1935(1935-06-24)[…]
Месца смерці	Медэльін, дэпартамент Ант’ёкія[d], Калумбія
Месца пахавання	могілкі Ла-Чакарыта[d]
Краіна	Аргенціна  Уругвай  Францыя
Музычная дзейнасць
Прафесіі	спявак, акцёр, кампазітар, аўтар-выканаўца
Інструменты	гітара і вакал
Жанры	танга
Узнагароды	International Latin Music Hall of Fame[d] (2000) Latin Songwriters Hall of Fame[d] (2014)
Аўтограф
Медыяфайлы на Вікісховішчы

Ка́рлас Гардэ́ль (ісп.: Carlos Gardel; 11 снежня 1890, Францыя — 24 чэрвеня 1935) — аргенцінскі спявак французскага паходжання, аўтар песень, кампазітар і акцёр, лічыцца самай выбітнай фігурай у гісторыі танга. Адзін з самых уплывовых выканаўцаў сусветнай папулярнай музыкі першай паловы ХХ стагоддзя. Гардэль — самы вядомы папулярны спявак танга ўсіх часоў і прызнаны ва ўсім свеце. Адметны сваім барытонам і драматычнымі тэкстамі. Разам з аўтарам тэкстаў і даўнім супрацоўнікам Альфрэда Ле Пера Гардэль напісаў некалькі класічных танга.

Гардэль загінуў у авіякатастрофе на піку сваёй кар’еры, стаўшы архетыповым трагічным героем, якога аплаквала ўся Лацінская Амерыка. Для многіх Гардэль увасабляе душу стылю танга.

У 1967 годзе уругвайскі пісьменнік Эразма Сільва Кабрэра апублікаваў супярэчлівую тэорыю, якая сцвярджала, што Гардэль нарадзіўся ў Такуарэмба, Уругвай. Іншыя аўтары падтрымалі гэтую тэорыю, і ў Такуарэмба быў створаны музей Гардэля. Але ўсе сябры і сям’я Гардэля ведалі яго як французскага эмігранта з Тулузы. Вучоныя даследчыкі прааналізавалі супярэчлівыя дадзеныя, асабліва французскія запісы аб нараджэнні і хрышчэнні, і пацвердзілі, што месцам яго нараджэння з’яўляецца Тулуза.