Карла Мензэ

Карла Мензэ
ням.: Carlo Mense
Дата нараджэння	13 мая 1886(1886-05-13)[…]
Месца нараджэння	Райнэ, раён Штайнфурт[d], адміністрацыйная акруга Мюнстэр, правінцыя Вестфалія, каралеўства Прусія, Германская імперыя
Дата смерці	11 жніўня 1965(1965-08-11)[…] (79 гадоў)
Месца смерці	Кёнігсвінтэр, раён Рэйн-Зіг[d], адміністрацыйная акруга Кёльн, Паўночны Рэйн-Вестфалія, ФРГ
Месца пахавання	Старыя могілкі ў Бад-Гонефе[d]
Грамадзянства	Германія
Род дзейнасці	дзеяч мастацтваў, мастак, выкладчык універсітэта, мастак-гравёр, графік, дзеяч выяўленчага мастацтва, рысавальнік
Месца працы	Дзяржаўная акадэмія мастацтва і артыстычнага рамяства ў Брэслау[d]
Жанр	партрэт
Вучоба	Дзюсельдорфская акадэмія мастацтваў
Узнагароды
Медыяфайлы на Вікісховішчы

Карла Мензэ (ням.: Carlo Mense; 13 мая 1886, Райнэ — 11 жніўня 1965, Кёнігсвінтэр) — нямецкі мастак — экспрэсіяніст, прадстаўнік такіх плыняў у германскім жывапісе XX стагоддзя, як рэйнскі экспрэсіянізм і новая рэчыўнасць, прафесар мастацтваў.

Пасля ўступлення ў шлюб у 1919 годзе з Верай Баске майстар часта прыязджае і падоўгу жыве ў Мюнхене, дзе быў блізка знаёмы з Паўлем Клее, Оскарам Какошкам, Георгам Шрымпфам, Аляксандрам Канальтам. У 1920—1925 гадах здзяйсняе паездку ў Італію. У 1925 годзе К. Мензэ ўдзельнічае ў выставе «Новая рэчыўнасць» у мастацкім музеі Мангейма. У тым жа годзе ён становіцца прафесарам Акадэміі прыкладнога мастацтва ў Брэслау (цяпер — Уроцлаў), дзе ўстанаўлівае сяброўскія адносіны з такімі мастакамі, як Оскар Шлемер і Оскар Мол. Пасля закрыцця Акадэміі ў Брэслау ў 1932 годзе і атрымання ў 1933 годзе Рымскай прэміі К. Мензэ з’яжджае ў Рым, дзе працуе пры Нямецкай акадэміі Віла Масіма.

У 1937 годзе, падчас кампаніі нацыянал-сацыялістаў супраць т. зв. дэгенератыўнага мастацтва, 37 работ К. Мензэ былі канфіскаваны з нямецкіх музеяў і знішчаны. Сам жа мастак у якасці афіцэра германскай арміі быў прызваны на фронт. Пасля таго, як пры бамбардзіроўцы Кёльна была знішчана яго рабочая майстэрня, мастак жыў у Бад-Гонефе. Да яго 70-годдзя ў 1956 годзе прайшла персанальная выстаўка яго палотнаў у Кёнігсвінтэры. У 1961 годзе К. Мензэ быў узнагароджаны ордэнам «За заслугі перад ФРГ».