Карла Понці

Карла Понці
Дата нараджэння	11 снежня 1912(1912-12-11)[…]
Месца нараджэння	Маджэнта, правінцыя Мілан[d], Ламбардыя, Каралеўства Італія
Дата смерці	10 студзеня 2007(2007-01-10)[…] (94 гады)
Месца смерці	Жэнева, Жэнева, Швейцарыя
Грамадзянства	Італія  Каралеўства Італія  Францыя
Жонка	Сафі Ларэн і Giuliana Fiastri[d]
Дзеці	Carlo Ponti[d], Edoardo Ponti[d], Guendalina Ponti[d] і Alex Ponti[d]
Адукацыя	Міланскі ўніверсітэт
Прафесія	кінапрадзюсар, сцэнарыст, кінарэжысёр, прадзюсар
Узнагароды
IMDb	ID 0690638
Медыяфайлы на Вікісховішчы

Карла Понці (італ.: Carlo Ponti; 11 снежня 1912 — 10 студзеня 2007) — італьянскі кінапрадзюсар.

Біяграфія

Карла Понці нарадзіўся 11 снежня 1912 года ў горадзе Маджэнта, Італія. Понці вывучаў права ў Міланскім універсітэце.

Заняўся кінапрадзюсаваннем у 1941 годзе і за сваю кар’еру прыняў удзел у стварэнні больш за 140 карцін, сярод іх — фільмы Федэрыка Феліні («Дарога»), Віторыа дэ Сікі («Золата Неапаля»), Дэвіда Ліна («Доктар Жывага»), Мікеланджэла Антаніёні («Фотапавелічэнне», «Прафесія: рэпарцёр») і многіх іншых прызнаных класікаў італьянскага і сусветнага кінематографа.

Другой жонкай Карла Понці была актрыса Сафі Ларэн, якую ён зрабіў зоркай сусветнага маштабу. Ад гэтага шлюбу ў яго засталося два сыны, Карла Понці-малодшы, дырыжор (у дзяцінстве Карла здымаўся ў кіно), і Эдуарда Понці, кінапрадзюсар. Сын ад першага шлюбу Алесандра таксама стаў кінапрадзюсарам.

Памёр Карла Понці 10 студзеня 2007 года ад хваробы лёгкіх ва ўзросце 94 гадоў у Жэневе, Швейцарыя.