Карл Аўэр фон Вельсбах

З пляцоўкі Вікіпедыя
Jump to navigation Jump to search
Карл Аўэр фон Вельсбах
ням.: Carl Auer von Welsbach
Auer von Welsbach.jpg
Дата нараджэння 1 верасня 1858(1858-09-01)[1][2][3]
Месца нараджэння
Дата смерці 4 жніўня 1929(1929-08-04)[1][2][3] (70 гадоў)
Месца смерці
Месца пахавання
Грамадзянства
Бацька: Alois Auer[d]
Маці: Therese[d]
Род дзейнасці фізік, хімік, вынаходнік
Альма-матар
Навуковы кіраўнік Роберт Вільгельм Бунзен
Член у
Узнагароды і прэміі
Commons-logo.svg Карл Аўэр фон Вельсбах на Вікісховішчы

Карл Ауэр фон Вельсбах (ням.: Carl Auer von Welsbach; 1 верасня 1858, Вена — 4 жніўня 1929, Мёльблінг) — аўстрыйскі хімік, даследчык рэдказямельных элементаў.

Біяграфія[правіць | правіць зыходнік]

Вучыўся ў Венскім і Гейдэльбергскім універсітэтах (1878—1882). У 1882—1887 гадах працаваў у Венскім універсітэце разам з Адольфам Лібенам, у 1887—1900 гадах — на хімічным заводзе пад Венай, які вырабляў солі рэдказямельных элементаў. З 1900 года — кіраўнік металургічнага завода ў Трайбаху (Аўстрыя), дзе заснаваў вялікую хімічную лабараторыю, на аснове якой пазней узніклі Трайбахскія хімічныя заводы (Treibacher Industrie AG).

Асноўныя навуковыя працы Аўэра фон Вельсбаха прысвечаны вывучэнню рэдкіх зямель. У 1885 годзе ён паказаў, што элемент дыдым, адкрыты К. Г. Масандэрам, з’яўляецца сумессю двух іншых элементаў, якія ён назваў празеадымам і неадымам.

Аўэр фон Вельсбах выявіў таксама яркае свячэнне аксідаў цэрыя і іншых РЗЭ пры высокіх тэмпературах. У 1885 годзе ён вынайшаў і запатэнтаваў газакалільную сетку, якая нашмат узмацняла свяцільнасць газавага полымя, якое выкарыстоўвалася тады для асвятлення — так званы «аўэраўскі каўпачок».

Важным вынаходствам Аўэра фон Вельсбаха стаў выраб мішметала і цэрыева-жалезнага сплаву, які мог прымяняцца для вырабу штучных крэменяў для запальніц (1898).

У 1900 годзе Аўэр фон Вельсбах прапанаваў выкарыстоўваць у электрычных лямпах напальвання осміевую нітку замест вугальнай. З-за дарагоўлі осмія гэта ўдасканаленне не атрымала распаўсюджвання, аднак абумовіла пераход на вальфрамавыя ніткі.

Зноскі

  1. 1,0 1,1 Carl Auer, Freiherr von Welsbach // Encyclopædia Britannica Праверана 9 кастрычніка 2017.
  2. 2,0 2,1 Carl Auer von Welsbach // SNAC — 2010. Праверана 9 кастрычніка 2017.
  3. 3,0 3,1 Carl Auer // Brockhaus Enzyklopädie
  4. Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #118651013 // Агульны нарматыўны кантроль — 2012—2016. Праверана 11 снежня 2014.