Кароўка сямікропкавая

З пляцоўкі Вікіпедыя
Jump to navigation Jump to search
Кароўка сямікропкавая
7-spot Ladybird. Coccinella 7-punctata - Flickr - gailhampshire (1).jpg
Навуковая класіфікацыя
Міжнародная навуковая назва

Coccinella septempunctata Linnaeus, 1758

Сінонімы
  • Coccinella 7-punctata Linnaeus[1]
Wikispecies-logo.svg
Сістэматыка
на Віківідах
Commons-logo.svg
Выявы
на Вікісховішчы
ITIS  114347
NCBI  41139
EOL  2867633
FW  307675

Кароўка сямікропкавая, ці кароўка 7-крапінкавая[2] (Coccinella septempunctata) — від жукоў сямейства божых каровак.

Апісанне[правіць | правіць зыходнік]

Цела даўжынёю 6,5—10,0 мм, выпуклае, прыкрытае бліскучымі надкрыламі. Вусікі кароткія, ротавы апарат грызучага тыпу.

Маюць яркую (перасцерагальную) афарбоўку. Надкрылы чырвоныя, на іх маецца 7 крапінак чорнага колеру. Знізу жук чорны, яго пярэдняспінка таксама чорная, з дзвюма белымі плямамі.

Пашырэнне[правіць | правіць зыходнік]

Паштовая марка Беларусі

Пашырана ў Палеаарктыцы да Палярнага круга. Сустракаецца ў Еўропе, Азіі і Паўночнай Афрыцы. У гарах Сярэдняй Азіі масава адзначаны да вышыні 2700 м. Інтрадукавана ў Паўночнай Амерыцы ў другой палове XX ст. для барацьбы з тлёй.

Жывуць на лугах, у лясах, садах і парках.

Асаблівасці біялогіі[правіць | правіць зыходнік]

Лічынка

Самка адкладвае ад 200 да 1000 яец, асобнымі невялікімі кучкамі. Лічынкі шэрыя, з чырвонымі кропкамі, растуць хутка і праз 2-4 тыдні прыступаюць да акуклівання ў зацішных месцах.

Драпежная. Лічынкі вельмі пражэрлівыя, за перыяд развіцця з’ядаюць каля 1000 тлей, могуць значна зніжаць колькасць шкоднікаў. Дарослыя кормяцца тлямі, шчытоўкамі, белакрылкамі.

Сямікропкавая кароўка сустракаецца на працягу ўсяго лета, а ўвосень жукі адпраўляюцца на зімоўку. Кіруючыся пахам, яны злятаюцца разам і ўтвараюць буйныя скопішчы на лісці на ўзлесках ці пад камянямі ў гарах, звычайна на паўднёвых схілах. Ужо ў першыя цёплыя дні яны прачынаюцца ад здранцвення і прыступаюць да пошукаў калоній тлей.

Выкарыстоўваецца ў біялагічнай барацьбе з насякомымі-шкоднікамі.

Зноскі

  1. BioLib Profil taxonu — druh slunéčko sedmitečné Coccinella septempunctata Linnaeus, 1758
  2. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1986. — 583 с., іл. — 10 000 экз. — C. 315