Касмічнае права

Касмічнае права — сукупнасць юрыдычных прынцыпаў і норм, якія рэгулююць адносіны паміж дзяржавамі ў працэсе даследавання і выкарыстання касмічнай прасторы і нябесных цел і вызначаюць іх прававы рэжым. Засноўваецца на агульных міжнародна-прававых прынцыпах, уключаючы прынцыпы Статута ААН.

Асноўны дакумент у галіне касмічнага права — Дагавор аб прынцыпах дзейнасці дзяржаў па даследаванні і выкарыстанні касмічнай прасторы, у т.л. Месяца і іншых нябесных цел (1967). Прадугледжвае свабоду даследавання касмічнай прасторы і нябесных цел, мірнага выкарыстання Месяца і іншых нябесных цел, іх поўную дэмілітарызацыю.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• International Institute of Space Law
• International Space Law at the United Nations Office for Outer Space Affairs website
• Rose, Neil. Can you buy an acre of the Moon? (нявызн.), The Times (13 жніўня 2009).
• http://spaceandtelecomlaw.unl.edu