Канстанцін Аляксандравіч Юхневіч

Канстанцін Аляксандравіч Юхневіч
Канстанцін Аляксандравіч Юхневіч
Асабістыя звесткі
Дата нараджэння	15 снежня 1896
Месца нараджэння	Пушкарышкі, Браслаўская воласць[d], Новааляксандраўскі павет, Ковенская губерня, Расійская імперыя;
Дата смерці	14 жніўня 1971 (74 гады)
Месца смерці	Браслаў, Браслаўскі раён, Віцебская вобласць, БССР, СССР;
Грамадзянства	Расійская імперыя; Польская Рэспубліка; БССР;
Месца працы	Беларускі інстытут гаспадаркі і культуры;
Прафесійная дзейнасць
Род дзейнасці	публіцыст, палітык
Мова твораў	беларуская
Грамадская дзейнасць
Партыя	Беларускі сялянскі саюз; Беларуская нацыянал-сацыялістычная партыя;
	Медыяфайлы на Вікісховішчы

Канстанцін Аляксандравіч Юхневіч, Кастусь Юхневіч (15 снежня 1896, в. Пушкарышкі Новааляксандраўскага пав. Ковенскай губ. (цяпер Браслаўскі раён, Віцебская вобласць) — 14 жніўня 1971, Браслаў) — беларускі палітычны дзеяч, публіцыст.

Біяграфія

Скончыў гарадскую школу ў Дзвінску (цяпер Даўгаўпілс, Латвія), вучыўся ў сельскагаспадарчай школе ў Шаўлях (цяпер Шаўляй, Літва). Ваяваў у складзе расійскай арміі ў 1-ю сусветную вайну. У 1917 вярнуўся на Браслаўшчыну, займаўся беларускай асветнай працай сярод насельніцтва, арганізацыяй кааперацыі. У 1920-я ўваходзіў у кіраўніцтва Беларускага інстытута гаспадаркі і культуры, які дзейнічаў у Заходняй Беларусі. З 1926 у кіраўніцтве партыі «Беларускі сялянскі саюз». Супрацоўнічаў з газетай «Сялянская ніва», выступаў на яе старонках як публіцыст. У 1928 за беларускую патрыятычную дзейнасць арыштаваны польскімі ўладамі, два месяцы правёў у Лукішскай турме ў Вільні. Вызвалены пасля таго, як быў абраны паслом у польскі сейм і атрымаў дэпутацкую недатыкальнасць. Палітычную дзейнасць не спыняў да канца 1930-х. Публікаваўся на старонках часопісу «Новы шлях». Рэпрэсаваны савецкімі ўладамі. Пасля вяртання з лагераў жыў у Браславе. Загінуў у аўтамабільнай катастрофе.

Зноскі

Літаратура

Новы шлях. Вільня. 1937. № 2.
Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 2 / Укладальнік Л. У. Маракоў. — Смаленск, 2003.

Спасылкі

Канстанцін Юхневіч(бел. (тар.)) // Беларускі Рэзыстанс. — 2012. — № 1 (12). — С. 44 — 50.