Касцюкі (Бярозаўскі раён)

Вёска Касцюкі Краіна Беларусь Вобласць Брэсцкая Раён Бярозаўскі Сельсавет Міжлескі Каардынаты 52°24′13″ пн. ш. 25°03′42″ у. д. Насельніцтва ▼70 чал. (2019) Часавы пояс UTC+3 Тэлефонны код +375 1643 Паштовыя індэксы 225221 Аўтамабільны код 1 СААТА 1208823016 Касцюкі на карце Беларусі ±

Касцюкі́ (трансліт.: Kasciuki, руск.: Костюки) — вёска ў Бярозаўскім раёне Брэсцкай вобласці. Уваходзіць у склад Міжлескага сельсавета. Размешчана за 16,5 км ад Бярозы, за 22,5 км ад чыгуначнай станцыі Бяроза-Картузская.

Гісторыя

У 1864 годзе — вёска ў Мацвееўскай воласці Пружанскага павета Гродзенскай губерні. У 1886 годзе в. Касцюкі (Мацвеевічы), дзейнічала царква, піцейны дом.

З 1915 года акупіравана германскімі войскамі, з 1919 года да ліпеня 1920 года 1 з жніўня 1920 года — войскамі Польшчы. У ліпені—жніўні 1920 устаноўлена савецкая ўлада. З 1921 года — у складзе Польшчы. У 1924 годзе вёска ў Мацвеевіцкай гміне (з 1932 Міжлеская) Пружанскага павета Палескага ваяводства, 91 будынак.

З 1939 года ў БССР. З 1940 года вёска ў Міжлескім сельсавеце.

У 1941—1944 гг. акупіравана нямецка-фашысцкімі захопнікамі. На фронце загінулі 22 воіны-землякі. У кастрычніка 1949 года ў вёсцы арганізаваны калгас імя Катоўскага, які ў лютым 1950 года ўвайшоў у склад калгаса «Чырвоны сцяг» (цэнтр — в. Міжлессе). У 1970 годзе ферма, клуб.

Планіроўка

Планіровачна складаецца з 2 прамалінейных вуліц, арыентаваных з захаду на ўсход, іх пад прамым вуглом перасякаюць 2 больш кароткія вуліцы.

Насельніцтва

• XIX стагоддзе:
  • 1886 — 23 двары, 288 жыхароў.
  • 1897 — 59 двароў, 361 жыхар.
• XX стагоддзе:
  • 1924 — 472 жыхары.
  • 1940 — 99 двароў, 306 жыхароў.
  • 1959 — 51 гаспадарка, 175 жыхароў.
  • 1970 — 464 жыхары.
• XXI стагоддзе:
  • 2005 — 87 двароў, 177 жыхароў.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх