Касцёл Адведзін Найсвяцейшай Дзевы Марыі (Гудагай)

З пляцоўкі Вікіпедыя
Jump to navigation Jump to search
Каталіцкі храм
Касцёл Адведзін Найсвяцейшай Дзевы Марыі
Catholic Church of the Visitation of the Blessed Virgin Mary in Hudahai.jpg
54°33′07″ пн. ш. 25°54′29″ у. д.HGЯO
Краіна Беларусь
Вёска Гудагай
Канфесія Рымска-каталіцкая царква
Епархія Гродзенская дыяцэзія
Ордэнская прыналежнасць Кармеліты
Архітэктурны стыль беларускае народнае дойлідства
Дата пабудовы 1764 год
Рэліквіі і святыні Абраз Маці Божай Гудагайскай
Статус Ахоўная шыльда гісторыка-культурнай каштоўнасці Рэспублікі Беларусь. Гісторыка-культурная каштоўнасць Беларусі, шыфр 412Г000042шыфр 412Г000042

Касцёл Адведзін Найсвяцейшай Дзевы Марыі (Гродзенская вобласць)
Касцёл Адведзін Найсвяцейшай Дзевы Марыі
Касцёл Адведзін Найсвяцейшай Дзевы Марыі

Касцёл Адведзін Найсвяцейшай Дзевы Марыі — каталіцкі храм у в. Гудагай (Астравецкі раён). Помнік драўлянага дойлідства.

Пабудаваны ў 1764 г. пры кляштары кармелітаў (не збярогся) у стылі барока.

Архітэктура[правіць | правіць зыходнік]

Касцёл і агароджа са званіцай

Асноўны прамавугольны ў плане зруб накрыты агульным дахам з пластычна выгнутымі вальмамі над пяціграннай апсідай і шатровымі вежачкамі па краях вільчыка. Раней касцёл быў дзвюхвежавы — па баках трохвугольнага франтону ўзвышаліся два чацверыкі з гранёнымі купалкамі. Да галоўнага фасада прыбудаваныя ўваходны тамбур, па баках апсіды — нізкія сакрысціі. Сцены вертыкальна ашаляваныя дошкамі з нашчыльнікамі, прарэзаныя лучковымі вокнамі ў плоскіх ліштвах, умацаваныя брусамі-сцяжкамі, завершаныя прафіляваным карнізам. Уваходныя дзверы аформленыя дэкаратыўнай укладкай шалёўкі складанага малюнка.

Інтэр'ер[правіць | правіць зыходнік]

Інтэр'ер касцёла

Інтэр'ер зальны, на тарцовай сцяне апсіды кансольна размешчаная скульптура «Распяцце» пад трохвугольнай навіссю. Зала храма перакрыта плоскай столлю. Над уваходам на двух слупах хоры з арганам ракайльна-класіцыстычнай трактоўкі. Інтэр'ер упрыгожваюць тры драўляныя алтары канца XVIII ст., выкананыя ў стылі ранняга класіцызму. Алтары трохчасткавыя, у іх дэкоры выкарыстаныя іанічная каланада, драўляная скульптура, разны арнамент, капітэлі і ківоты пазалочаныя, чаканныя аправы алтарных абразоў. З боку ад галоўнага фасада размешчана аднаярусная каркасная квадратная ў сячэнні званіца з шатровым завяршэннем.

Літаратура[правіць | правіць зыходнік]

  • Архітэктура Беларусі. Энцыклапедычны даведнік. — Мінск, 1993.

Спасылкі[правіць | правіць зыходнік]