Касцёл Беззаганнага Зачацця Найсвяцейшай Дзевы Марыі (Быхаў)

З пляцоўкі Вікіпедыя
Jump to navigation Jump to search
Сакральнае збудаванне
Касцёл Беззаганнага Зачацця Найсвяцейшай Дзевы Марыі
Bychaŭ, Kaścielnaja. Быхаў, Касьцельная (1905).jpg
53°31′08,72″ пн. ш. 30°15′31,97″ у. д.HGЯO
Краіна Беларусь
Горад Быхаў
Дата заснавання XVIII ст.
Стан знішчаны

Касцёл Беззаганнага Зачацця Найсвяцейшай Дзевы Марыі (Магілёўская вобласць)
Касцёл Беззаганнага Зачацця Найсвяцейшай Дзевы Марыі
Касцёл Беззаганнага Зачацця Найсвяцейшай Дзевы Марыі

Касцёл Беззаганнага Зачацця Найсвяцейшай Дзевы Марыі — колішні рымска-каталіцкі храм у Быхаве, узведзены ў XVIII ст. Знаходзіўся на высокім правым беразе ракі Дняпро, на поўнач ад замка.

У 1960-я савецкія ўлады злачынна зруйнавалі помнік архітэктуры. Да нашага часу захаваліся падмуркі і суседні будынак кляштара канонікаў латэранскіх.

Гісторыя[правіць | правіць зыходнік]

План касцёла

У 1619 уладальнікі Быхава Хадкевічы[1] фундавалі ў ім кляштар канонікаў латэранскіх з драўляным касцёлам Святога Казіміра. Існуюць звесткі, што ў часы Трынаццацігадовай вайны (16541667) маскоўскі гаспадар Аляксей Міхайлавіч, войскі якога акупіравалі горад, загадаў гвалтоўна перарабіць існуючы мураваны касцёл у царкву Маскоўскага патрыярхату[2].

У 1765 тагачасныя ўладальнікі Быхава Сапегі збудавалі на месцы драўлянага новы мураваны касцёл прысвечаны Беззаганнага Зачацця Найсвяцейшай Дзевы Марыі. Станам на 1744 парафія належала да Аршанскага дэканату і ўлучала, апрача Старага і Новага Быхава, 24 населеныя пункты.

Існуюць звесткі, што пасля здушэння вызваленчага паўстання (18301831) улады Расійскай імперыі скасавалі кляштар і зруйнавалі касцёл, муры якога вярнулі каталікам толькі ў пач. XX ст.[2]

За савецкім часам бальшавікі зачынілі касцёл, а потым ўзарвалі яго. Канчаткова святыню зруйнавалі ў 1960-я.

Архітэктура[правіць | правіць зыходнік]

Помнік архітэктуры эклектыкі з элементамі класіцызму. Асобна стаяла вышынная дамінанта — 3-ярусная вежа-званіца. Прыкасцёльную тэрыторыю атачаў мур з брамай.

Галерэя[правіць | правіць зыходнік]

Зноскі

  1. Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. С. 394.
  2. 2,0 2,1 Кулагін А. М. Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. С. 395.

Літаратура[правіць | правіць зыходнік]

Спасылкі[правіць | правіць зыходнік]