Касцёл Маці Божай Шкаплернай (Жукойні Жалядскія)

З пляцоўкі Вікіпедыя
Перайсьці да навігацыі Перайсьці да пошуку
Каталіцкі храм
Касцёл Маці Божай Шкаплернай
Catholic Church of Our Lady of Mount Carmel (Žukojni Žaliadskija).jpg
54°55′10″ пн. ш. 26°14′24″ у. д.HGЯO
Краіна Flag of Belarus.svg Беларусь
Вёска Жукойні Жалядскія
Канфесія Каталіцкая Царква
Епархія Гродзенская дыяцэзія
Дэканат Астравецкі дэканат 
Дата пабудовы 1912 год
Лагатып Вікісховішча Касцёл Маці Божай Шкаплернай на Вікісховішчы

Касцёл Маці Божай Шкаплернай (Касцёл Найсвяцейшай Дзевы Марыі з гары Кармель) — мураваны каталіцкі храм у вёсцы Жукойні Жалядскія Астравецкага раёна Гродзенскай вобласці. Знаходзіца на вуліцы Савецкай, 25.

Гісторыя[правіць | правіць зыходнік]

Касцёл Маці Божай Шкаплернай (1915—1918)

Першы будынак касцёла пабудаваны ў 1622 годзе. У 1820 годзе пабудаваны новы, драўляны касцёл пад назвай Беззаганнага Пачуцця Найсвяцейшай Панны Марыі і святога Войцеха і мучанікаў. У 1908 годзе будынак касцёла, які на той момант быў пераўтвораны ў царкву, згарэў. На месцы пагарэлішча ў 1912 годзе была пабудавана каменная царква, якая ў 1914 годзе была аддадзена католікам. Рэканструкцыя будынка доўжылася з 1914 года да 1918 год. Пад час рэканструкцыі была зменена арыентацыя алтара на захад. Памяшканне былой царквы стала прэсбітэрыем, да якога прыбудавалі асноўны зруб-трысцен з арачнымі вокнамі, над уваходам усталявалі хоры з фісгармоніяй. Ля касцёла была ўзведзена 4-гранная званніца і быў павешаны звон фундацыі Гасперскага[1].

Касцёл быў закрыты ў 1947 годзе савецкімі ўладамі. У 1990 годзе быў вернуты каталіцкай грамадзе.

Архітэктура[правіць | правіць зыходнік]

Сучасны інтэр'ер (здымак зроблены перад пахавальнай Імшой).

Помнік архітэктуры гістарызму. Трохчасткавую падоўжна-восевую кампазіцыю храма складаюць прамавугольныя ў плане аб’ёмы малітоўнай залы, апсіды і ніжэйшай сакрысціі. Двухсхільны дах асноўнага аб’ёму завершаны над фасадам васьмігранным шатровым драўляным барабанам, праз трохвугольныя застрэшкі пераходзіць у вальмавы над апсідай. Франтальны фасад вырашаны ўтрыраваным драўляным чатырохкалонным порцікам з трохвугольным франтонам. Плоскасныя бакавыя фасады рытмічна расчлянёны арачнымі аконнымі праёмамі з броўкамі і падваконнымі панэлямі, у апсідзе апяразаны гарадковымі фрызамі. Атынкаваныя і пабеленыя сцены кантрастуюць з паліхраміяй бутавай муроўкі цокаля.

Унутры памяшканні перакрыты адзінай плоскай столлю. У залу выступае антрэсоль хораў, падтрыманая двума слупамі. Драўляны галоўны і два бакавыя маляваныя алтары трактаваны ў стылі неабарока. Сцены і плафоны столі пакрыты арабескавай арнаментыкай. На левай сцяне апсіды навешана гранёная кафедра амбона[2].

Зноскі

Літаратура[правіць | правіць зыходнік]

  • Валуевіч, І. Жалядскі касцёл / Іаланта Валуевіч // Астравецкая праўда. — 2012. — 1 жніўня. — С. 6.
  • Драўніцкі, І. З гісторыі Жалядзяў і Жалядскага касцёла / Іван Драўніцкі // Беларусь=Японія : матэрыялы Другіх міжнар. чытанняў, прысвечаных памяці Іосіфа Гашкевіча / Рэдкал.: А. Мальдзіс [і інш.]. — Мінск : «Беларускі кнігазбор», 2003. — С. 341—348.
  • Драўніцкі, І. Жалядзі. Кляштар і касцёл / Іван Драўніцкі // Астравецкая праўда. — 2002. — 31 жніўня. — С. 3.
  • Кулагін, А. М. Каталіцкія храмы Беларусі : энцыклапедычны даведнік / А. М. Кулагін. — Мінск : «Беларуская Энцыклапедыя імя Петруся Броўкі», 2008. — С. 144—145.
  • Прыхач, У. Метамарфозы Жалядскай святыні / Уладзімір Прыхач // Астравецкая праўда. — 2018. — 8 верасня (№ 69). — С. 6.
  • Цвирко В. 150 золотых маршрутов моёй Беларуси / Владимир Цвирко // 7 дней. — 2017. — 9 февраля (№ 6). — С. 24.

Спасылкі[правіць | правіць зыходнік]