Касцёл Найсвяцейшай Тройцы (Клецк)

Славутасць
Касцёл Найсвяцейшай Тройцы
Church of Holy Trinity Klecak.jpg
Касцёл Найсв. Тройцы, галоўны фасад
53°04′02,48″ пн. ш. 26°37′32,50″ у. д.HGЯO
Краіна Flag of Belarus.svg Беларусь
Горад Клецк
Канфесія Рымска-каталіцкая царква
Архітэктурны стыль рэнесанс
Архітэктар Джавані Марыя Бернардоні
Заснавальнік Андрэй Маствілоўскі
Дата заснавання XVI стагоддзе
Дата пабудовы XVI стагоддзе
Дата скасавання 1950
Стан знішчаны
Лагатып Вікісховішча Касцёл Найсвяцейшай Тройцы на Вікісховішчы

Касцёл Найсвяцейшай Тройцы (таксама Фарны касцёл) — колішні каталіцкі храм фара, які існаваў ў Клецку ў XVI ст. — 1-й палове ХХ ст.

Гісторыя[правіць | правіць зыходнік]

Фарны касцёл, 1724

Фарны касцёл у Клецку ў 1550 фундаваў Андрэй Маствілоўскі[1]. У 1560-я гады Мікалай Радзівіл Чорны перадаў храм кальвіністам, тут з пратэстанцкімі пропаведзямі выступаў беларускі гуманіст Сымон Будны. Пры маршалку вялікім літоўскім і ўладальнікам Клецку Альбрэхце II Радзівіле зноў перададзены каталікам. У 1607 г. асвячоны біскупам віленскім Юрыем Радзівілам.

Касцёл быў пашкоджаны пад час Вялікай Айчыннай вайны, узарваны ў 1950-я гады. Ад касцёла захавалася толькі засталася частка заходняй сцяны.

Архітэктура[правіць | правіць зыходнік]

Касцёл з боку апсіды

Касцёл уяўляў сабой аднанефны, прамавугольны ў плане асноўны аб'ём з пяціграннай апсідай, якія завяршаліся агульным дахам, двухсхільным над асноўным аб'ёмам і шматгранным над алтаром. Да паўночнай сцяны прэсбітэрыя прылягала невялікая двухпавярховая сакрысція, на другім паверсе якой была скарбніца. Сцены былі ўмацаваныя контрфорсамі і завершаныя прафіляваным карнізам. Аконныя праёмы арачныя. Да галоўнага фасада была прыбудаваная трох'ярусная вежа-званіца з арачнымі прамавугольнымі аконнымі праёмамі, упрыгожаная нішамі, філёнгамі, завершаная купалам. Ніжні ярус вежы чацверыковы, астатнія — васьмерыковыя.

Рэшткі касцёла

Асноўны аб'ём меў цыліндрычнае скляпенне з распалубкамі, у інтэр'еры багата аздобленыя разныя алтары, скульптура. Падлога была цагляная, у асноўным аб'ёме ў ёй было пакладзена некалькі каменных пліт. Пад алтарнай часткай былі сутарэнні. Над уваходам размяшчаліся драўляныя хоры. Сцены касцёлу былі ўзведзеныя ў тэхніцы гатычнай муроўкі з цэглы памерам 26—27х12,5—13х6,5—7 см.

Зноскі

  1. Kleck // Słownik geograficzny Królestwa Polskiego i innych krajów słowiańskich. Tom IV: Kęs — Kutno. — Warszawa, 1883. S. 123.

Літаратура[правіць | правіць зыходнік]

Спасылкі[правіць | правіць зыходнік]