Касцёл Перамянення Гасподняга (Юрацішкі)
| Каталіцкі храм | |
| Касцёл Перамянення Гасподняга | |
|---|---|
 | |
| 54°02′01″ пн. ш. 25°55′34″ у. д.HGЯO | |
| Краіна |
 Беларусь |
| Гарадскі пасёлак | Юрацішкі |
| Канфесія | Каталіцтва |
| Епархія | Гродзенская дыяцэзія |
| Дэканат | Іўеўскі |
| Архітэктурны стыль | постмадэрнізм |
| Архітэктар | Бэла Лані, Карл Руф, Сяргей Мядзь |
| Будаўніцтва | 2002—2003 гады |
| Стан | дзейнічае |
 |
|
Касцёл Перамянення Гасподняга — мураваны каталіцкі храм у гарадскім пасёлку Юрацішкі Іўеўскага раёна Гродзенскай вобласці.
Гісторыя[правіць | правіць зыходнік]
.jpg)
Згодна з некаторымі звесткамі, каталіцкі прыход у Юрацішках утварыўся ў XV стагоддзі, а першы касцёл быў пабудаваны ў 1532 годзе на грашовыя сродкі канцлера вялікага літоўскага Альбрэхта Гаштольда, і нібыта пасля Берасцейскай уніі стаў грэка-каталіцкім, якім заставаўся да 1839 года[1]. Аднак гэтыя звесткі не падмацаваны ніякімі архіўнымі крыніцамі і не адпавядаюць гістарычнай рэчаіснасці. Юрацішкі ўваходзілі спачатку ў склад Трабскай, а затым Лаздунскай каталіцкіх парафій[2].
Першая каталіцкая капліца ў 1932 годзе была створана ў мясцовай школе. Новы драўляны касцёл быў узведзены ў 1937—1939 гадах[3][4]. Першым яго пробашчам быў ксёндз Антоні Твароўскі[3][5].
У 1949 годзе храм быў закрыты і ў 1950 годзе перададзены пад дом культуры. У 1955 годзе яго вырашана было разабраць на будаўнічыя матэрыялы, каб пабудаваць дом культуры ў пасялковым парку.
З 1991 года вернікі збіраліся на набажэнствы ў капліцы, пад якую было прыстасавана памяшканне ў былой драўлянай школе. А з 2002 года ў цэнтры вёскі паводле праекта архітэктараў бр. Бэла Лані, доктара Карла М. Руфа і Сяргея Мядзя пачалося будаўніцтва велічнай каменнага храма з вонкавай жоўтай цэглы. З канца лета 2004 года ў касцёле пастаянна адбываюцца набажэнствы[6].
Архітэктура[правіць | правіць зыходнік]
Твор архітэктуры постмадэрнізму. Асіметрычна-дынамічную аб’ёмна-прасторавую кампазіцыю фарміруюць прамавугольная ў плане малітоўная зала пад двухсхільным дахам і службовая 2-павярховая прыбудова з пяцігранным эркерам да апсіды. Над 2-гранным з круглай люкарнай шчытом фасада ўзведзена чатырохгранная шатровая званіца, такой жа формы сігнатурка — над алтарнай часткай.
Вышыня будынка — 27 метраў[7]. Будынак выкананы з цэглы светла-ружовага колеру і ўвасабляе кірунак неаготыкі ў спалучэннi з элементамі грэка-рымскай архітэктуры. Комплекс касцёла ўключае ў сябе і жылыя памяшканні для святара, манахаў і гасцей. Тут жа размяшчаюцца склады для прадукцыі і іншых прыладаў.
Уваход аформлены 2-слуповым ганкам пад двухсхільным пакрыццём і аркатурнай перамычкай. Бакавыя плоскасныя фасады рытмічна расчлянёны арачнымі аконнымі праёмамі. Унутры касцёла ёсць арган[8].
Зноскі
- ↑ https://yuratishki.schools.by/pages/z-gstory-paselka Архівавана 4 сакавіка 2021.
- ↑ Стренковский, С. П. Под омофором Святителя Николая Чудотворца : история православного прихода в местечке Юратишки. — Минск : МГИРО, 2017. — С. 47-48.
- ↑ а б https://vedaj.by/index.php/garady/grodna/iue/yuratsishki
- ↑ Літоўскі дзяржаўны гістарычны архіў. — Ф. 694. Воп. 5. Сп. 4784.
- ↑ Стренковский, С. П. Под омофором Святителя Николая Чудотворца… — С. 179—183.
- ↑ Юрацішкі
- ↑ https://travel-by.livejournal.com/24271.html
- ↑ https://vetliva.by/tourism/what-to-see/kostel-preobrazheniya-gospodnya-v-gorodskom-poselke-yuratishki/(недаступная спасылка)
Літаратура[правіць | правіць зыходнік]
- Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5. — С. 377.
Спасылкі[правіць | правіць зыходнік]
- Юрацішкі — парафія Перамянення Пана на Catholic.by
- Касцёл Перамянення Гасподняга (Юрацішкі) на сайце Radzima.org
- Касцёл Перамянення Гасподняга (Юрацішкі) на сайце Глобус Беларусі (руск.)
