Касцёл Святога Антонія Падуанскага (Дварэц)

Касцёл
Касцёл Святога Антонія Падуанскага
53°24′39″ пн. ш. 25°34′31″ у. д.
Краіна	Беларусь
Вёска	Дварэц
Канфесія	Рымска-каталіцкая царква
Епархія	Гродзенская дыяцэзія
Благачынне	Дзятлаўскі дэканат
Архітэктурны стыль	неарэнесанс, неабарока
Будаўніцтва	1904—1909 гады
Касцёл Святога Антонія Падуанскага

Касцёл Святога Антонія Падуанскага ці Касцёл Божага Цела — каталіцкі храм у в. Дварэц Дзятлаўскага раёна Гродзенскай вобласці. Помнік архітэктуры неабарока.

Гісторыя

Новы касцёл, фота 1918

Будаўніцтва манументальнага храма абумоўлівалася тым, што папярэдні, пасля шматлікіх рамонтаў (1882, 1895 гг.), не задавальняў парафію і пасля царскага талерантнага ўказа з боку ўлад не чынілася перашкод на пабудову новага. Пасля шматгадовага заняпаду ў савецкі час храм адноўлены і адчынены ў 1989 годзе.

Архітэктура

На паўночна-ўсходняй ускраіне вёскі. Пабудаваны ў 1904 годзе з цэглы. Двухвежавая трохнефавая базіліка. Цэнтральны неф накрыты двухсхільным дахам, бакавыя — аднасхільнымі. Галоўны заходні фасад дэкарыраваны рустам, філёнгамі, ліштвамі арачных праёмаў, лучковымі франтонамі, карнізам. У завяршэнні фасада 2 бакавыя вежы з фігурнымі купаламі. Цэнтральны шчыт з паўцыркульным франтонам і бакавымі валютамі. Усе элементы дэкору і архітэктурныя абломы выкананы цаглянай муроўкай без тынкоўкі. Унутраная прастора падзелена на нефы, перакрыцці скляпеністыя.

Літаратура

• «Збор помнiкаў гiсторыi i культуры Беларусі. Гродзенская вобласць». Мінск, выдавецтва «Беларуская Савецкая Энцыклапедыя імя Петруся Броўкі», 1986 год.

Спасылкі

• Касцёл Святога Антонія Падуанскага (Дварэц) на сайце Radzima.org
• Касцёл Святога Антонія Падуанскага (Дварэц) на сайце Глобус Беларусі (руск.) 
• Касцёл Святога Антонія Падуанскага (Дварэц) на сайце Catholic.by (бел.)