Касцёл Святога Роха (Грандзічы)

З пляцоўкі Вікіпедыя
Jump to navigation Jump to search
Каталіцкі храм
Касцёл Святога Роха
Grandzicze.jpg
53°43′12,40″ пн. ш. 23°48′48,90″ у. д.HGЯO
Краіна Беларусь
Месцазнаходжанне
Канфесія Каталіцызм
Епархія Гродзенская дыяцэзія
Дэканат Гродна-Усход
Архітэктурны стыль Неаготыка
Архітэктар Вільгельм Аўгуставіч Срока
Стан дзейнічае

Касцёл Святога Роха — мураваны каталіцкі храм у вёсцы Грандзічы (зараз — у межах Гродна)[1], помнік архітэктуры неаготыкі.

Гісторыя[правіць | правіць зыходнік]

У XVIII ст. пры дарозе з Гродна на Гожу, манахамі гродзенскага кармеліцкага кляштара была пабудавана драўляная капліца. Пасля скасавання кармеліцкага ордэна ў Гродне, з 1845 г. капліца была далучана да фарнай парафіі.

Касцёл пад тытулам св. Роха была ўзведзена ў 1906 г. У 1920-я гг. яна атрымала статус філіяльнага касцёла ад гродзенскай парафіі св. Францішка Ксаверыя.

У 1961 г. была зачынена савецкімі ўладамі і прыстасавана пад сховішча. Толькі ў 1990 г. будынак быў вернуты католікам, і ў 1992 г. скончана яго аднаўленне. У 1998 г. Грандзічы вылучыліся ў самастойную парафію пад гістарычным тытулам св. Роха.

З верасня 2002 г. пробашчам парафіі з’яўляецца ксёндз Віктар Велівіс.

Архітэктура[правіць | правіць зыходнік]

Касцёл збудаваны ў неагатычным, паводле праекта гродзенскага губернскага архітэктара В. А. Срокі.

Святыня ўяўляе сабой прамавугольны ў плане аб’ём з 5-граннай апсідай і трансептам (далучаны ў 2002—2003 гг. пры перабудове капліцы ў касцёл). Галоўны фасад завершаны адносна невялікай вежай-званіцай. Касцёл накрыты сістэмай двухсхільных бляшаных з вальмамі дахаў.

Малітоўная зала раней была перакрыта спічастым скляпеннем. Цяпер залавы інтэр’ер перакрывае каробчатае падшыўное атынкаванае скляпенне. Галоўны алтар драўляны, створаны ў неагатычным стылі, прысвечаны Маці Божай. Левая алтарная кампазіцыя тытульная, прысвечаная св. Роху, правая — Маці Божай Фацімскай. Над уваходам знаходзіцца балкон хораў, які абапіраецца на магутную арку[2][3].

Зноскі

Спасылкі[правіць | правіць зыходнік]