Касцёл Святога Яна Боска (Мінск)

Будучы алтар святыні

Славутасць
Касцёл Святога Яна Боска
53°52′00″ пн. ш. 27°36′56″ у. д.
Краіна	Беларусь
Горад	Мінск
Месцазнаходжанне	Мінск
Канфесія	Каталіцтва
Епархія	Мінска-Магілёўская архідыяцэзія
Будаўніцтва	2007г. — с.ч.
Вышыня	47 м

Касцёл Святога Яна Боска— рымска-каталіцкі касцёл, які будуецца ў мікрараёне Серабранка.

Гісторыя

Капліца Св. Яна Хрысціцеля побач з касцёлам

Будуецца для парафіі Св. Яна Хрысціцеля, якая дзейнічае з 1991 г. Святыня будуецца ў гонар заснавальніка салезіянаў — св. Яна Боска. Зараз набажэнствы здзяйсняюцца ў капліцы. Будаўніцтва капліцы распачалі ў жніўні 2001 г. і асвяцілі 24 чэрвеня 2002 г. Увесну 2007 года парафія св. Яна Хрысціцеля, па рашэнні Мінгарвыканкама атрымала дазвол на пабудову касцёла. 15 чэрвеня на выдзеленай пад будаўніцтва пляцоўцы распачалося рыццё катлавану пад падмуркі касцёла, які мае стаць першым новазбудаваным касцёлам у горадзе з часу рэвалюцыі 1917 г. Будаўніцтва святыні адбываецца побач з капліцай.

8 жніўня 2015 г. ў парафіі адбылася ўстаноўка і асвячэнне крыжоў на вежах касцёла, які будуецца. Асвячэнне здзейсніў Мітрапаліт Мінска-Магілёўскі арцыбіскуп Тадэвуш Кандрусевіч.

Гл. таксама

• Дэканат Мінск-Усход

Спасылкі

• Мінск (Серабранка) — парафія Св. Яна Хрысціцеля — http://catholic.by/