Касцёл Найсвяцейшага Сэрца Ісуса (Ілья)

Касцёл
Касцёл Найсвяцейшага Сэрца Ісуса
Касцёл Найсвяцейшага Сэрца Ісуса
54°24′44,20″ пн. ш. 27°17′21,80″ у. д.
Краіна	Беларусь
Аграгарадок	Ілья
Канфесія	Рымска-каталіцкая царква
Епархія	Мінска-Магілёўская архідыяцэзія
Тып будынка	касцёл
Архітэктурны стыль	неараманскі стыль
Будаўніцтва	1907—1909 гады
Стан	дзейнічае
Медыяфайлы на Вікісховішчы

Касцёл Найсвяцейшага Сэрца Ісуса — помнік архітэктуры неараманскага стылю. Пабудаваны ў цэнтры вёскі Ілья (цяпер Вілейскі раён Мінскай вобласці) у пачатку XX ст. з цэглы і вапнавых блокаў.

Архітэктура

Выгляд з боку апсіды

Да асноўнага прамавугольнага ў плане накрытага двухсхільным дахам аб'ёму далучаны нізкая паўкруглая апсіда і кубападобнае крыло трансепта з боку паўднёва-ўсходняга фасада. Галоўны фасад расчлянёны двухступеньчатымі контрфорсамі на 3 часткі, у цэнтры — галоўны ўваход, вырашаны арачным праёмам з парталам і аркатурным абрамленнем. Фасад завершаны двухгранным шчытом, у тымпане якога 3 арачныя нішы і люкарна, аб'яднаныя аркай. Бакавыя метровай таўшчыні сцены рытмічна расчлянёны арачнымі аконнымі праёмамі і контрфорсамі ў прасценках. Архітэктурны дэкор (ліштвы праёмаў, карніз, русты) выкананы цаглянай муроўкай. У інтэр'еры зала касцёла была перакрыта скляпеннем (не захавалася), у крыле трансепта крыжовае скляпенне.

У канцы 1990-х г. надбудавана драўляная вежа.

Гл. таксама

• Вілейскі дэканат

Літаратура

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5.

Спасылкі

• На Вікісховішчы ёсць медыяфайлы па тэме Касцёл Найсвяцейшага Сэрца Ісуса (Ілья)
• Касцёл Найсвяцейшага Сэрца Ісуса (Ілья) на сайце Radzima.org
• Касцёл Найсвяцейшага Сэрца Ісуса (Ілья) на сайце Глобус Беларусі (руск.)