Каталіцкія могілкі (Брэст)

Каталіцкія могілкі
Каталіцкія могілкі ў Брэсце, 2021 г.
52°06′04″ пн. ш. 23°42′19″ у. д.
Размяшчэнне
Краіна	Беларусь
Вобласць	Брэсцкая вобласць
Месцазнаходжанне	Брэст
Гісторыя
Дата закрыцця	1956
Плошча	1,8 га
Медыяфайлы на Вікісховішчы

Каталіцкія могілкі, таксама вядомыя як Польскія могілкі — могілкі ў Кіеўскім прадмесці Брэста, месцяцца на рагу вул. Пушкінскай і 2-га Мінскага завулка. Адкрытыя ў сярэдзіне XIX ст., плошча складае 1,8 га.

Гісторыя

Адкрытыя на ўсходняй частцы горада ў сярэдзіне XIX стагоддзя, калі горад Брэст быў перамешчаны ў сувязі з будаўніцтвам крэпасці. Магчыма, дагэтуль тут месціліся старэйшыя могілкі. Праз будаўніцтва чыгункі на Кіеў у 1870 годзе апынуліся на тэрыторыі Кіеўкі. У 1942 годзе частка могілак была знішчана, другі этап знішчэння быў у пасляваенны перыяд. У 1956 годзе могілкі закрылі для новых пахаванняў.

Пахаванні

На могілках каля 3000 магіл. Вылучаецца брацкая магіла салдат польскай арміі, загінулых у Савецка-польскую вайну (1920—1921), капліца. Найстарэйшае надмагілле датавана 1835 годам. На могілкі пахаваны прадстаўнікі мясцовай эліты сярэдзіны XIX — 1-й паловы XX стагоддзя каталіцкага і часам праваслаўнага веравызнання, каталіцкія святары, дзеячы навукі і культуры, простыя гараджане.

Надмагіллі выкананы на высокім мастацкім узроўні і, супроць трышынскіх, маюць некаторыя адметныя рысы, больш скульптур з выявамі анёлаў, Маці Божай, Хрыста, многія помнікі зроблены ў Польшчы. Мастацкае ліццё прадстаўлена помнікамі сталеліцейных заводаў Лангэ, Шміта і Гамана ў Брэсце.

• Выявы надмагілляў
• 
  Магіла Марыі Севэрт
• 
  Выява Хрыста
• 
  Скульптура Хрыста на магіле Людвікі Пахульскай з Шаняўскіх
• 
  Магіла доктара медыцыны Паўла Залеўскага

• 
  Скульптура анёла на надмагіллі
• 
  Магіла палкоўніцы Марыі Міхайлаўны Корсун
• 
  Надмагілле Казіміры Осіпаўны Міхайлавай з крыжам Св. Пятра
• 
  Магілы польскіх вайскоўцаў

Спасылкі

• На Вікісховішчы ёсць медыяфайлы па тэме Каталіцкія могілкі (Брэст)
• Гарадскія могілкі «Каталіцкія»
• Каталіцкія могілкі (Брэст) на сайце Radzima.org