Катастрофа Су-25 пад Навагрудкам
| Катастрофа Су-25 пад Наваградкам | |
|---|---|
| Агульныя звесткі | |
| Дата | 12 чэрвеня 2012 года |
| Характар | падзенне на зямлю |
| Месца | бліз вёскі Навіны Навагрудскага раёна |
| Загінулыя | 1 |
| Мадэль | Су-25 |
| Пункт вылету | 116-я штурмавая авіябаза (Ліда) |
| Бартавы нумар | 42 |
| Пасажыры | 0 |
| Экіпаж | 1 |
| Выжылых | 0 |
Катастрофа Су-25 пад Навагрудкам — авіякатастрофа, якая адбылася 12 чэрвеня 2012 года за 2 км ад вёскі Навіны Пятрэвіцкага сельсавета[1].
Абставіны[правіць | правіць зыходнік]
12 чэрвеня 2012 года ваенны лётчык першага класа падпалкоўнік Мікалай Грыднеў 116-й штурмавой авіябазы (Ліда) на авіяпалігоне паблізу горада Бярозаўка Лідскага раёна выконваў на Су-25 манеўры на гранічна малой вышыні. Пасля выканання задання а 15.35 на вышыні 200 метраў самалёт пачаў губляць кіраванне. Кіраўніком палёту была дадзена каманда лётчыку на катапультаванне[2].
Але пілот загінуў, адводзячы самалёт ад вёскі Навіны Навагрудскага раёна[3].
Як сцвярджаюць відавочцы: «Ён ляцеў вельмі нізка. Над самай зямлёй, а потым знік. І тады моцна грымнула. Гук быў моцны, хоць да месца падзення ад дарогі было даволі далёка»[1].
Да заканчэння работы камісіі, якая займаецца расследаваннем прычын катастрофы, загадам міністра абароны Беларусі Юрыя Жадобіна ўведзена забарона на палёты ўсёй авіяцыі Узброеных сіл[4].
Самалёт[правіць | правіць зыходнік]
Знішчальнік Су-25 бартавы нумар 42[2] быў на ўзбраенні 116-й штурмавой авіябазы ў Лідзе.
Ахвяры[правіць | правіць зыходнік]
Загінуў лётчык 1-га класа падпалкоўнік Мікалай Грыднеў.
Зноскі
- ↑ а б «Самалёт ляцеў вельмі нізка, а потым быў моцны выбух» Наша Ніва 13 чэрвеня 2012
- ↑ а б Разбіты Су-25 не павінен быў лётаць? Наша Ніва
- ↑ Чаму баявыя пілоты гінуць у мірны час? Радыё Свабода
- ↑ Нягледзячы на забарону палётаў, у парадзе 3 Ліпеня будзе ўдзельнічаць авіяцыя // Наша Ніва 13 чэрвеня 2012
