Катастрофа C-130 у Кхамдыке

З пляцоўкі Вікіпедыя
Jump to navigation Jump to search
Катастрофа ў Кхамдыке
KD C-130 wreckage.jpg
Абломкі самалёта
Агульныя звесткі
Дата 12 мая 1968
Час каля 16:00
Характар збіты партызанамі НФОЮВ
Прычына Бітва за Кхамдык
Месца Сцяг Паўднёвага В'етнама Кхамдык, правінцыя Куангцін, Паўднёвы В’етнам (цяпер-павет Фыокшон, правінцыя Куангнам)
Загінулыя 155 (усе)
C-130B West Virginia ANG 1980s.jpg
C-130B Геракл ВПС ЗША
Авіякампанія ваенна-паветраныя сілы ЗША
Пункт вылету Сцяг Паўднёвага В'етнама Кхамдык
Бартавы нумар 60-0297
Дата выпуску люты 1961
Пасажыры 150
Экіпаж 5

Катастрофа C-130 у Кхамдыкеавіяцыйная катастрофа, якая адбылася 12 мая 1968 года пры эвакуацыі бежанцаў у Кхамдыке (в’етн.: Khâm đc) самалётам C-130B Ваенна-паветраных сіл ЗША, у выніку якой загінулі 155 чалавек. На момант падзей гэта была найбуйнейшая авіякатастрофа ў свеце.

Катастрофа[правіць | правіць зыходнік]

Аэродром Кхамдык у 1968 годзе.

11 мая падчас бітвы за Кхамдык амерыканскія войскі апынуліся блакаваныя паўночнав’етнамская арміяй і в’етнамскімі партызанамі на аэрадроме Кхамдык. Раніцай 12 мая партызанам удалося збіць верталёт CH-47, які, зваліўшыся, заблакаваў узлётна-пасадачную паласу. Да 10 гадзін паласу ўдалося ачысціць, але да таго часу партызаны паспелі заняць ключавыя вышыні вакол аэрадрома, што дазваляла ім абстрэльваць самалёты, якія прыбывалі і ляцелі. Тым не менш у такіх умовах на аэрадроме прызямліліся С-130, якому пры пасадцы была прабітая адна з шын, а таксама C-123, які затым здолеў вылецець. Усяго да 11:10 было эвакуявана 145 чалавек. Экіпажы яшчэ трох C-130 пры падыходзе да аэрадрома прынялі рашэнне не здзяйсняць пасадку.

У другой палове дня C-130 аднавілі палёты да аэрадрома. У 15:25 у Кхамдыке прызямліўся C-130B з бартавым нумарам 60-0297 (завадскі — 3600, выпушчаны ў лютым 1961 годзе[1]). Пілатаваў яго экіпаж, камандзірам якога быў маёр Бернард І. Бюхер (англ.: Bernard l. Bucher). Нягледзячы на варожы агонь, самалёт прызямліўся з паўднёвага боку. Паводле заяваў амерыканскага боку, вайскоўцаў ЗША і Паўднёвага В’етнама сярод уцекачоў не было: «в’етнамскія бежанцы, пераважна жанчыны і дзеці, кінуліся ў самалёт, шукаючы на ім выратавання». Усяго на борце знаходзіліся 155 чалавек: 150 бежанцаў і 5 членаў экіпажа (па іншых дадзеных — 149 бежанцаў і 6 членаў экіпажа). Пасля таго, як C-130 быў запоўнены, камандзір прыняў рашэнне ўзлятаць у бок поўначы, не ведаючы, што асноўныя сілы арміі Паўночнага В’етнама засяродзіліся менавіта ў гэтым раёне. Прыкладна а 16:00 самалёт узляцеў з аэрадрома і пачаў быў набор вышыні, як тут жа быў падбіты, пасля чаго, страціўшы кіраванне, упаў у мілі ад тарца паласы і цалкам разбурыўся. Усе 155 чалавек на борце загінулі.

Экіпаж другога C-130 пад камандаваннем падпалкоўніка Уільяма Бойла, убачыўшы катастрофу самалёта Бюхера, прыняў рашэнне ўзлятаць у паўднёва-заходнім кірунку. Нягледзячы на тое, што самалёт таксама быў атакаваны, пашкоджанні на гэты раз апынуліся не крытычнымі, і борт здолеў прызямліцца ў бліжэйшым аэрапорце Чулай.

На момант падзей катастрофа C-130 у Кхамдыке з’яўлялася найбуйнейшай авіякатастрофай у свеце. Таксама на 2015 год яна застаецца найбуйнейшай авіякатастрофай у В’етнаме (нароўні з катастрофай C-5 пад Таншанятам у 1975 годзе).

Зноскі

  1. C-130 C/N 3600(англ.) . C-130Hercules.net. Праверана 2 лістапада 2013.

Спасылкі[правіць | правіць зыходнік]