Катастрофа Let L-410 у Бандунду
| Катастрофа Let L-410 у Бандунду | |
|---|---|
 | |
| Агульныя звесткі | |
| Дата | {{{Дата}}} |
| Месца | |
| Загінулыя |
|
| Авіякампанія | Filair[d] |
| Пункт вылету | N'Dolo Airport[d] |
| Пункт прызначэння | Bandundu Airport[d] |
Катастрофа L-410 у Бандунду — авіяцыйная катастрофа, якая адбылася 25 жніўня 2010 года. Самалёт Let L-410 Turbolet кангалезскай авіякампаніі Filair, які выконваў рэйс з Кіншасы ў Бандунду, паваліўся на жылы дом пры заходзе на пасадку. З 21 чалавека на борце выжыў толькі адзін. Прычынай стаў кракадзіл, якога пасажыр правёз кантрабандай на борт. Жывёла выбралася з сумкі, выклікала паніку і прывяла да страты кіравання[1][2][3].
Самалёт
[правіць | правіць зыходнік]Самалёт Let L-410UVP-E20C Turbolet (рэгістрацыйны нумар 9Q-CCN, завадскі 912608) быў выпушчаны ў 1991 годзе і абсталёўваўся двума турбавінтавымі рухавікамі Walter M-601E. Раней быў зарэгістраваны як ES-LLB і эксплуатаваўся эстонскай авіякампаніяй Airest да 2007 года. У 2009 годзе яго не набыла Filair[4], прыватная кангалезская кампанія з Кіншасы[5].
Экіпаж і пасажыры
[правіць | правіць зыходнік]На борце знаходзіліся 18 пасажыраў і 3 члены экіпажа[2]:
- Камандзір паветранага судна — 62-гадовы бельгіец Дэні Філемот, які таксама быў уладальнікам авіякампаніі Filair[6].
- Другі пілот — 39-гадовы брытанец Крыс Уілсан з Шэрдынгтана, графства Глостэршыр[6][1].
- Сцюардэса — грамадзянка ДР Конга.
Адзіным выжылым апынуўся пасажыр — грамадзянін ДР Конга. Яго імя не выдавалася.
Ход падзей
[правіць | правіць зыходнік]
25 жніўня 2010 года самалёт выконваў рэйс Кіншаса — Кіры — Бакора — Семендва — Бандунду — Кіншаса. Адзін з пасажыраў таемна ўзяў на борт жывога кракадзіла. Ён схаваў рэптылію ў вялікую спартыўную сумку, плануючы выгадна прадаць жывёлу на мяса ў Бандунду[1][7].
Калі самалёт пачаў зніжэнне для заходу на пасадку ў аэрапорце Бандунду, кракадзіл прагрыз сумку і выбраўся вонкі[8]. З’яўленне рэптыліі ў салоне выклікала паніку сярод пасажыраў[1]. Сцюардэса, спрабуючы выратавацца, кінулася ў бок кабіны пілотаў, за ёй рушылі ўслед і астатнія пасажыры. Маса людзей, засяродзілася ў пярэдняй частцы салона, прывяла да рэзкага зрушэння цэнтра масы самалёта. Нягледзячы на адчайныя спробы пілотаў выраўнаваць машыну, кіраванне было страчана. Самалёт паваліўся на дом у некалькіх сотнях метраў ад узлётна-пасадачнай паласы[1][8].
У выніку катастрофы загінулі 20 чалавек. Выжыў толькі адзін пасажыр, які атрымаў цяжкія траўмы. Нароўні з адзіным выжылым чалавекам катастрофу перажыў і сам кракадзіл. Аднак рэптылія, калі выбралася з абломкаў, неўзабаве была засечаная мачэтэ ратавальнікамі, якія прыбылі на месца крушэння[1][9].
Газета The Daily Telegraph іранічна заўважыла, што кракадзіл стаў «адзіным пасажырам, які выжыў у катастрофе, але не перажыў сустрэчы з брыгадай ратавальнікаў»[1].
Расследванне
[правіць | правіць зыходнік]Першапачаткова вылучалася версія пра недахоп паліва, аднак прадстаўнік Filair абверг яе: у баках заставалася 150 літраў. Тэхнічных няспраўнасцяў таксама выяўлена не было[2][5].
Канчатковая версія была ўсталяваная пасля допыту адзінага выжылага пасажыра [9]. Следчы аддзела расследавання авіяцыйных здарэнняў, пачуўшы гісторыю выжылага, заявіў, што гэта сцвярджэнне «вельмі малаверагодна»», але яны «не сталі б цалкам яго выключаць»[10]. Пазней яны заявілі, што не могуць зрабіць ніякіх канчатковых высноў з-за адсутнасці дадзеных бартавога самапісца[11][12].
У 2011 годзе гэты выпадак быў зарэгістраваны Кнігай рэкордаў Гінеса як «першая авіякатастрофа, выкліканая кракадзілам»[7].
Крыніцы
[правіць | правіць зыходнік]- 1 2 3 4 5 6 7 Aircraft crashes after crocodile on board escapes and sparks panic. The Telegraph (21 кастрычніка 2010). Праверана 10 мая 2026.
- 1 2 3 Accident Let L-410UVP-E20C 9Q-CCN, 25 August 2010. Aviation Safety Network. Праверана 10 мая 2026.
- ↑ Разбившийся в Конго самолет упал из-за крокодила. Lenta.ru (22 кастрычніка 2010). Праверана 10 мая 2026.
- ↑ planes.cz - Civil aviation portal for the Czech Republic and the world. www.planes.cz. Праверана 10 мая 2026.
- 1 2 Crash: Filair L410 at Bandundu on Aug 25th 2010, impacted building. The Aviation Herald (25 жніўня 2010). Праверана 10 мая 2026.
- 1 2 Причиной крушения самолета в ДР Конго стал крокодил. Корреспондент.net (22 кастрычніка 2010). Праверана 10 мая 2026.
- 1 2 First plane crash caused by a crocodile. Guinness World Records. Праверана 10 мая 2026.
- 1 2 Крокодил «уронил» самолет. Комсомольская правда (22 кастрычніка 2010). Праверана 10 мая 2026.
- 1 2 Очевидец: Самолет в Конго упал из-за крокодила (руск.). Life.ru (22 кастрычніка 2010). Праверана 10 мая 2026.
- ↑ Association, Press (2010-10-21). Escaped crocodile may have caused Congo plane crash. The Guardian [брытанская англійская]. 0261-3077. Праверана 2026-05-10.
- ↑ "Croc On A Plane: Reptile 'May Have Caused Crash'"
- ↑ Piggott, Mark. British Pilot Died When Crocodile On Plane Caused Congo Crash (англ.). International Business Times UK (12 ліпеня 2014). Праверана 10 мая 2026.