Кацямятка

Кацямятка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Мятныя Падтрыба:  Nepetinae Род:  Кацямятка
Міжнародная навуковая назва
Nepeta L., Sp. Pl. 2: 570 (1753)
Тыпавы від
Кацямятка каціная або Каціная мята (Nepeta cataria)
Сістэматыка на Віківідах Выявы на Вікісховішчы ITIS   32622 NCBI   39172 EOL   60516 GRIN   g:8172 IPNI   328179-2

Кацямятка (Népeta) — род кветкавых раслін сямейства Ясноткавыя (Lamiaceae).

Батанічнае апісанне

Большасць відаў — травяністыя шматгадовыя расліны, некаторыя — аднагадовыя. Сцябло прамое. Лісце ад зялёнага да шаравата-зялёнага, супраціўнае, простае, суцэльнае, зубчастае па краі.

Кветкі ў мутоўчатых суквеццях; вяночкі звычайна не больш за 10 мм даўжыні, белыя або сінія, радзей ружовыя ці бэзавыя. Чашачка трубчастая або цыліндрычная. Тычынак 4. Плод — чатырохарэшак.

Распаўсюджанне

Большая частка відаў расце ў Еўропе, Азіі і Афрыцы, некаторыя віды сустракаюцца ў Паўночнай Амерыцы. На тэрыторыі Беларусі — 1 дзікарослы від — кацямятка каціная або Каціная мята (Nepeta cataria).

Гаспадарчае значэнне

Многія з відаў — эфіраалейныя, лекавыя, меданосныя і дэкаратыўныя расліны.

Літаратура

• Кудрашова М. Г., Кухарава Л. В., Пашына Г. В. Кацямятка // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 7. — 588 с., іл. — 10 000 экз.

Спасылкі

• Котовник — род Nepeta: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Nepeta (англ.) // The Plant List