Кацярына Аляксееўна Далгарукава

Кацярына Аляксееўна Далгарукава
руск.: Екатерина Алексеевна Долгорукова
Нараджэнне	1712
Смерць	1747 Ноўгарад, Наўгародская губерня, Расійская імперыя
Месца пахавання	Андрэеўскі сабор (Санкт-Пецярбург)
Род	Далгарукавы
Імя пры нараджэнні	руск.: Екатерина Алексеевна Долгорукова
Бацька	Аляксей Рыгоравіч Далгарукаў[d]
Маці	Праскоўя Юр'еўна Далгарукава[d]
Муж	Alexander Bruce[d]
Узнагароды
Медыяфайлы на Вікісховішчы

Кацярына Аляксееўна Далгарукава (1712—1747) — расійская князёўна, дачка князя Аляксея Рыгоравіча Далгарукава, нявеста імператара Пятра II.

Біяграфія

19 лістапада 1729 года была абвешчана нявестай чатырнаццацігадовага імператара, а 30 лістапада адбыліся яе ўрачыстыя заручыны, ёй быў дадзены тытул «Яе высокасць гасударыня-нявеста».

Аднак жонкай Пятра II Кацярына так і не стала — за два тыдні да вяселля, у студзені 1730 года Пётр II захварэў і памёр. Далгарукавы падрыхтавалі падробленае завяшчанне на карысць «гасударыні-нявесты», але не рызыкнулі яго прад’явіць.

Пасля смерці Пятра II князёўна Кацярына вярнулася да бацькоў і разам з імі, па ўступленні на пасад імператрыцы Ганны Іаанаўны, у красавіку 1730, сасланая ў Бярозаў, а таксама ўтрымоўвалася ў Томску ў Томскім манастыры Раства Хрыстовага.

Імператрыца Лізавета загадала вызваліць яе і надала ёй званне фрэйліны. У 1745 годзе яна выйшла замуж за генерал-паручыка графа А. Р. Бруса, але неўзабаве застудзілася і памерла.

Гл. таксама

• Род Далгарукавых