Кацярына Медычы (1593—1629)

Кацярына Медычы
італ.: Caterina de’ Medici
герцагіня Мантуанская
Папярэднік	Маргарыта Савойская
Пераемнік	Ізабела Ганзага, маркіза Навелара
Нараджэнне	2 мая 1593(1593-05-02) Фларэнцыя, Вялікае герцагства Тасканскае, Італія
Смерць	17 красавіка 1629(1629-04-17) (35 гадоў) Сіена, правінцыя Сіена, Таскана, Італія
Месца пахавання	капэла Медычы[d] New Sacristy[d]
Род	Медычы
Бацька	Фердынанда I Медычы
Маці	Крысціна Латарынгская
Муж	Фердынанда I Ганзага[d]
Веравызнанне	каталіцтва
Дзейнасць	арыстакратка
Медыяфайлы на Вікісховішчы

Кацярына Медычы (італ.: Caterina di Ferdinando de' Medici) (1593—1629) — трэцяя дачка вялікага герцага Тасканскага Фердынанда, жонка мантуанскага герцага Фердынанда I Ганзага.

Біяграфія

У 1612 годзе яе брат, герцаг Козіма II Медычы пачаў перамовы пра яе шлюб з прынцам Генрыхам Уэльскім, сынам Якава I. Перамовы ішлі паспяхова, Козіма дамовіўся пра пасаг у 800 тыс. скудзі і ўжо ішла гаворка пра цырыманіял, калі з Рыма прыбыла забарона на гэта вяселле, з прычыны таго, што Генрых быў пратэстантам. Козіма адправіў у Ватыкан свайго дзядзьку кардынала Джавані Медычы, каб ухіліць гэту праблему; у той жа час прынцэсе прапанавалі кандыдатуры прынцаў Савоі, Іспаніі і Францыі. Пытанне знялося сам, з прычыны таго, што прынц Уэльскі памёр ад тыфу.

Тады ў 1617 годзе яна была аддадзена замуж за мантуанскага герцага Фердынанда I Ганзага, пасля таго, як той спешна ануляваў шлюб з нерадавітай Камілай Фаа. Шлюб гэты апынуўся нешчаслівым, з прычыны таго, што муж яе адрозніваўся распустай. Кацярына два разы была цяжарнай, але дзяцей данасіць не магла; сучаснікі адзначаюць, што муж жаліўся на яе надзвычай залішнюю вагу. Неўзабаве яна засталася ўдавой і сышла ў кляштар урсулінак, адкуль яе выклікаў пляменнік Фердынанда II Медычы, які даручыў ёй у 1627 годзе кіраванне Сіенай. Там яна і сканала праз два гады ад воспы. Пахавана ў Капэле Медычы, Фларэнцыя.