Кветкі слівы ў залатой вазе

З пляцоўкі Вікіпедыя
Кветкі слівы ў залатой вазе
金瓶梅
Выданне
Жанр бытавы раман, эратычны раман
Аўтар Ланьлінскі насмешнік
Мова арыгінала кітайская
Дата напісання 1610
Дата першай публікацыі 1617
Commons-logo.svg Медыяфайлы на Вікісховішчы

«Кветкі слівы ў залатой вазе», або «Цзінь, Пінь, Мэй» (кіт. спр. 金瓶梅 , піньінь: Jīn Píng Méi) — кітайскі эратычна-бытапісальны раман, які напісаны гутарковай кітайскай мовай (байхуа) пад канец дынасціі Мін (1368–1644). Раман падпісаны псеўданімам «Ланьлінскі насмешнік» (蘭陵笑笑生, Lán Líng xiào xiào shēng), сапраўднае імя аўтара невядома.

Назва твора складаецца з імёнаў галоўных гераінь рамана: Пань Цзіньлянь (潘金莲, Pān Jīnlián, «Залаты Лотас» Пань), Лі Пін'эр (李瓶兒, Lǐ Píng'er, «Вазачка» Лі), і Пан Чуньмэй (龐春梅, Páng Chūnméi, «Кветка вясновай слівы» Пан).

Змест[правіць | правіць зыходнік]

Падзеі рамана адбываюцца ў сярэдзіне дынасціі Сун, прыкладна ў 1111–1127 гадах. Сімэнь Цын, беспрынцыповы нуварыш і разбэшчаны гандляр, становіцца мясцовым чыноўнікам. Яго багацце расце, ён мае некалькі жонак і каханак. Прыгожая Пань Цзінлань таемна забівае свайго мужа, У Старэйшага, каб ажаніцца з Сімэнем. На працягу раману апісваецца жыццё шасці жонак у сям'і Сімэнь, іх цяжкасці і барацьба за ўплыў на мужа. Адначасова з гэтым клан Сімэнь паступова заняпадае.