Келі Гарнер

Келі Гарнер
Дата нараджэння	11 красавіка 1984(1984-04-11) (42 гады)
Месца нараджэння	Бэйкерсфілд, акруга Керн, Каліфорнія, ЗША
Грамадзянства	ЗША
Адукацыя	Thousand Oaks High School[d]
Прафесія	тэлеактрыса, кінаактрыса, тэатральная актрыса
IMDb	ID 0307726
Медыяфайлы на Вікісховішчы

Келі Брыяна Гарнер (англ.: Kelli Brianne Garner; нар. 11 красавіка 1984, Бейкерсфілд, Каліфорнія, ЗША) — амерыканская актрыса кіно, тэлебачання і тэатра.

Біяграфія

Гарнер нарадзілася 11 красавіка 1984 года ў Бейкерсфілдзе, штат Каліфорнія. Дэбютавала ў кіно ў 16 гадоў падчас вучобы ў сярэдняй школе, зняўшыся ў кароткаметражцы Майка Мілса "The Architecture of Reassurance", адзначанай прызам міністэрства развіцця, культуры і спорту на Фестывалі кароткаметражных фільмаў у Оберхаўзене. Праца юнай актрысы прыцягнула ўвагу рэжысёра Лары Кларка, які прапанаваў Кэлі адну з роляў у сваёй карціне «Садыст», намінаванай на «Залатога льва» Венецыянскага МКФ. Пасля гэтага Гарнер сыграла больш за 30 роляў у кіно і на тэлебачанні.

Найбольш вядомая па фільмах — «Садыст» (2001), «Круты і красулечкі» (2005), «Дурная звычка» (2005), «Ларс і сапраўдная дзяўчына» (2007), «Рогі» (2013). Прымала таксама ўдзел у здымках відэакліпа на песню "Jesus of Suburbia" рок-гурта Green Day.