Кладонія бясформенная

	Cladonia deformis
Навуковая класіфікацыя
Дамен:	Эўкарыёты
Царства:	Грыбы
Падцарства:	Вышэйшыя грыбы
Аддзел:	Аскамікота
Пададдзел:	Pezizomycotina
Клас:	Lecanoromycetes
Падклас:	Lecanoromycetidae
Парадак:	Леканаральныя
Сямейства:	Кладоніевыя
Род:	Кладонія
Падрод:	Cocciferae
Від:	Cladonia deformis
Міжнародная навуковая назва
	Cladonia deformis (L.) Hoffm., 1796
Сінонімы
	Cladonia crenulata (Ach.) Flörke
ITIS	189886
NCBI	184097
EOL	196924
MB	382821

Кладонія бясформенная (Cladonia deformis) — від грыбоў сямейства Кладоніевыя.

Распаўсюджанне і экалогія

Расце на глебе, багатай арганічнымі рэчывамі, на гнілой драўніне, раслінных рэштках, у светлых хваёвых і мяшаных лясах, на тарфяных балотах^[1].

У Беларусі сустракаецца паўсюдна, але невялікімі купінкамі^[1].

Біялагічнае апісанне

Слаявіна кусцістая. Першасная слаявіна часцей рана знікае, але часам захоўваецца доўга, створана моцна зрэзанымі жаўтавата- або зеленавата-шэрымі лускавінкамі розных памераў. Падэцыі да 8 см вышыні, сярніста-жоўтыя, цыліндрычныя, простыя, у верхняй частцы звужаныя або пашыраныя ў правільныя сцыфы з суцэльным або праліфіцыруючым краем^[1].

Паверхня падэцыяў пакрыта жаўтлява-шараватым каравым пластом пры аснаванні, часам ён даходзіць да сярэдзіны падэцыяў. Астатняя іх частка прыпудрана парошыстымі сарэдыямі сернага або саламяна-жоўтага колеру. Пладовыя целы (апатэцыі) ярка-чырвоныя, сустракаюцца рэдка, размяшчаюцца па краю сцыф. Споры эліпсоіднай формы, 8-10×2,5-3,5 мкм^[1].

Выкарыстанне

Утрымлівае уснінавую кіслату і цэарын. Валодае антымікробнай актыўнасцю^[1].

Зноскі

↑ ^а ^б ^в ^г ^д Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 49-50. — 592 с. — 120 000 экз.

Літаратура

Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 49-50. — 592 с. — 120 000 экз.
Кабзар Н. Кладонія // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.

[ЛР-1] а ^б ^в ^г ^д Кладония бесформенная // Лекарственные растения и их применение. — 5-е, перераб. и. доп.. — Мн.: «Наука и техника», 1974. — С. 49-50. — 592 с. — 120 000 экз.

[1]